فوق هام السحب ( الشعر الشعبي) على متن القوافي

عليك الغلا مردود يـ الغايب الموجود
‏سوالفك غابت مير طواريك ماغابت

‏غيابك حضورٍ له بصدر البيوت شهود
‏وش اللّي يغيب ضحكتك والغلا ثابت

‏أحنك مثل ما أحن وجهي من المنقود
‏وأعدك ليا عديت الأيام وش جابت

....

توب وارجع للــخطا عقب ما اتــوب
‏ارجـع ولـو مـازال فالنفـس شيمـــة

‏وامشي على دربي واجنب لــي دروب
‏درب يجــدد ذكــريــــــات الليمه

‏على رصيفه دمعه وحــرف مكتـــوب
‏وقلب تمكنه السهم فــي صميمة

‏ياليتنا عشنا بلا احساس وقلـــــوب
‏وياليتنا ننـــسى الامـــور القديمة

‏وليت الزمن لاطال مايظهـر عيـــوب
‏ناس لهــم فالقلب قدر وقيمــــــــة

‏تلعب بي الدنيا على كــل مسحوب
‏ياما ضحكت لي والعواقب وخيمـة

‏كني بها في صوب والضحك في صوب
‏وقسمي بها حــزن وجروح سقيمـــه

‏مليت من قولــة مقـــدر ومكتـــــوب
‏ومليت عطف اهل القلوب الرحيمـة

‏انا الذي من لـــذة الوقت مســلوب
‏وانا الذي ماعـاد يعـرف خصيـمـه

‏ارجع على نفس الخطأ عقب ما اتوب
‏لو انها فـــي حـــق نفسي جريمــــه

....

نمسي على حال ونصبح على حال
يوم لنا واليوم الاخر علينا

يومِ سلى خاطر ويوم غثا بال
طبع الزمان وحكمة الله فينا

....

رسالتي لك

‏لاصرت في نعمه وصحه ومرتاح
‏والناس سالم من أذاها وحسدها

‏اسجد سجود الشكر لخلاق الأرواح
‏تراك في نعمــة وغيـرك فقدها

عمر الرخا مايكشف الناس للناس
‏مايكشف الرجال غير الشدايد

‏ناسٍ تشوف الصعب وتقول لا باس
‏وناسٍ تشوف السهل وتقول كايد

....

‏انت لو تظما من عروقى سقيتك
وانت لو تبعد يصير الجو ثاني

وانت لو يقـسى زمانى ماجفيتـك
كن ربى عن هـوى غيرك نهاني

من يقول انساك يكذب مانسيتك
كيف وانت القلب من دونك عصاني

....

حي طرقاً كل ماهزها الشوق وحكت
الهوى يطرق ثغرها ويضّحك سنها

ضحكها يمزّع معاليق قلبي لاضحكت
كنّها تملك مفاتيح قلبي كنّها

....

نصف الحكمة :
الصمت

نصف الراحة :
في عدم مراقبة الآخرين

نصف الثقة بالنفس :
عدم المقارنة مع أحد

نصف الأدب :
عدم التدخل في ما لا يعنيك

لو تعلَّم نصف البشر
عدم التدخل فيما لايعنيهم
لعاش النصف الآخر بخير

رسالتي لك....

اعمارنا تجري مع خط الاقلام
‏تطوي بها الأيام طي الوثايق

‏فيها الفرح مره ومرات أوهام
‏وهذا هو الواقع بجد وحقايق

....

صار اللي صار وانتهينا على خير
‏وعيوننا عاشت وشافت ودارت
‏
‏مو كل شي بكيفنا لازم يصير
‏اشياء واجد م نبيها وصارت

....