فوق هام السحب ( الشعر الشعبي) على متن القوافي

ماغيرت بعد آلمسافة غلاتك
‏لو تكثر الأميال مابيننا آلبين
‏
‏حتى آلحروف بشوقها آليوم جاتك
‏ياقربك لقلبي وبعدك عن العين

....

ماغاب حبك ولا طيفك ولا ذكرك
حتى لو انك بعيد مسجـل حضـورك

إن زاد فيني الحنين أرش من عطرك
لو إنه مايشبهـك بس يشبه شعورك

....

‏الملح عمره ما اجتمع وسط سكر
إلا معك شفت الحلا ممتلي ملح

يا أقصى طموحآت المـزاج المعكر
يقتل تفاصيل الغضب وجهك السمح

....

‏اشتاقلك شوق يليق بمقـامك
يعني حدود الشوق ماتنتهي فيك

يسعد خلايا القلب حتى سلامك
اشلون حالي عاد لا صرت احاكيك

ياللي خذا قلبي هواك و غـرامك
وسخّرت حرفي فيك عساه يرضيك

....

لاتستعجل اقدارك
فكل شيء مكتوب ميعاده
لن يتقدم ساعه ولن يتاخر
فلن تشرق شمس فرج
ولن تذهب ظلمة بلاء الا باذنه
فاصبر واطمئن
مدبر الامر عليمٌ حكيم رحيم كريم

رسالتي لك

كيف يمحي الوقت مابينه وبيني
‏وذكرياته منهو ابيدفع ثمنها

‏حتى لو صديت عن وجهه بعيني
‏صورته فالبال وين اصد عنها

....

كسرت لاجله قوانيني وعاداتي
ولو قلت اكبّه انا وشلون ابا كبّه

ماعمري انهرت في مُجمل علاقاتي
الا معه طحت واجد لني احبّه

....

‏أكتب هوى قلبي من الشعر بحروف
ويفهم وليف الروح أنه مرادي

ويرد في منشه على طول ويشوف
كثر اشتياق الخل ويقول داري

....

صارت ورود الغرام اشواك
في قلب من جاك واختارك

جيتك وان عارفً وش جاك
من يوم شديّت عن دارك

كنت متلهف على لقياك
واضمّ يمناك ويسارك

ياليتني صدق قبل القاك
فهمت وش كانت اعذارك

اخترت وصلك على فرقاك
وطلع لي سعيد اخو مبارك

....

‏تساميت عن حبٍ تساوم به الخلان
‏وتنازلت لك عن عرش قلبي ووليتك

‏ماحبيتك بقدر استطاعه وقدر امكان
‏انا فوق ما لا يمكن احب حبيتك

....