اخترنا لكم

القبول الي من الله فالوجيه السمّحه
‏صبّه الله فيَ محيا الجادل المملُوحه

.....

‏ودي بحـظٍ يجـمـع الروح بالروح
ودي بقربـك والغـلا لـك يبـوحـي

ماكل ودٍ تكسر النفــس بالبـــوح
حبٍ على وضح النقا ذا طموحي

.....

تلطف بفعلك وابتسم في وجيه الناس
ترى الناس ما تبغى حلالك ولا مالك

.....

‏لا تضيق ان طاح من عينك بشر
منٌ رحِل من خاطرهُ الله معِاه

لو ھداك العمر واھديته عشر
الفراقِ اصلا ترى سنة حياه

.....

‏مامسحت محادثتنا كل يوم اقراها
‏وكل يوم يطيح دمعي لا قريت حروفك
‏َ
‏يا سقى الله ليلةٍ نسهر على قمراها
‏يوم أقول الشعر من جوفي ويدخل جوفك
‏َ
‏عشت أنا وياك بأغلا ايامنا وأحلاها
‏يوم كنت تزورني ما تعتذر ب ظروفك
‏َ
‏كيف رحت مع الجفيّا وأنت ما تقواها
‏كيف ترقد عينك الحلوه أنا ما اشوفك

.....

‏في يديني قيد حزن ومن خلافي ظلم ظالم
‏وانتي السان السجين اللي يرد العلم عنه

‏ياحمامه من خذت الايام منه حلم حالم
‏مايشابه من عطته وماخذت الايام منه

.....

سليل الغيم مياس الخواصر ناعم الأطراف
‏أنا ضامي وروحي ذابله والنار في جوفي

‏عطاك الله وجهٍ قد سعى فيه القصيد وطاف
‏يا قربه من هدب عيني ويا بعده عن كفوفي

‏لو أن اللي يدور بمهجة صدور البشر ينشاف
‏لقوك الناس في صمتي وفي سمعي وفي شوفي

.....

‏اهديتني شوقٍ على هيئة عطور
‏والعطر يكفي بس هالشوق كافر
‏
‏واهديت لك قلبٍ اغلفه بالنور
‏قلبٍ فضحني لكن الضلع ساتر

.....

على سكّـه الغاليـن رجـل الغـرام تسيـر
‏وتمسي علـى رجـم العنـا تـاره وتـاره

‏حبيبي بعد نضـرات عينـك وحالـي غيـر
‏أسج القـدم والنفـس بالسـوء أمّـاره

.....

‏دخيلك لا تحاصرني بين شمس وظلّ
‏أنا مثل القدر مثل المطر مثل الشعر حالة

‏أنا مثل البحر قالت له أمواجه تكلم قل
‏ولا قال البحر كل الكلام اللي على باله

‏أنا اللي ألف نجم اهتدا بي وألف نجم ٍضل
‏سرى من شرفة الغيم البعيدة ينفض ظلاله

.....