اخترنا لكم

لا تدور تري ماغير نسخه وحيده
تلقى غيري ولكن مانت لاقي بدالي

سعد علوش

‏قلبي الخالي الصبر احسن الله عزاك
‏خيبة الظن ما خلت لروحي شريك

‏كل مارتحت لبنادم تشوفه ملاك
‏ماتشوفه بنادم لين يخطي عليك

‏سالم حمد

‏لاجاحده نفسي ولاهي شاكره
‏رح بالتدرّج لا وصل ولا اجتثاث

‏العين ثم القلب ثم الذاكره
‏لاطحت من الأولى تطيح من الثلاث

سعد علوش

‏عاتبيني كان ما ألبستك من الود ثوب
‏وإعذريني لو تماديت في ساعة غضب

.....

أنــت في قلبــي رفيعٍ مســتواك
في صميم القلب ماتملك شريك

والله أنــك فارض فينــي غــلاك
خطوتي تمشي وتجبرنــي عليك

.....

‏بعض العرب صندوق سره من حديد
‏مـا يكـشف الأسـرار لـو تحايله

‏وبعض العرب ودك تسمّيه البريد
‏ممتـاز في سـرعة نقل رسـايله

.....

ياساعة الفرحة تشوقت للعيد
عيد العيون وعيد قلب الصبابة

للعين والقمرا وحسنك مواعيد
وليل الهوى شرع للاحباب بابه

.....

ولك في خيال الشاعر المهتوي ميعاد
ومجلسٍّ على غيمة وليله قمر نجدي

.....

انت العون يالله والسند
انت الموفق انت المعين

انت الواحد انت الصمد
انت القــوي انت المتين

انت ولاسواك انــت حد
انت رب الخلايق اجمعين

عبدالله عامر

الصبر واجب ضد ذا الوقت وقساه
اتوسل الله واطلبه وارجع اليه

الواحد المعبـــود وحده لاسواه
لاتشتكي لاحد سواه او ترتجيه

بايفرج الضيقات من عالي سماه
الامر امره والامور هي في يديه

عبدالله عامر