اخترنا لكم

‏رغم ابتعادي عن مراسيء تلاقيك
‏ تبقى على ضفة فؤادي سفينه
‏
‏ أحيان اشوفك في خيالي واناجيك
‏ وأحيان فصل الشوق يمطر حنينه

.....

‏يا ضيفنا قرب على هبة الريـح
‏لا صار عندك للمجيّ استطاعه

‏حـنـا مجالـسنا بـليا مـفاتيــح
‏امشرعه اربعه وعشرين ساعه

.....

‏لو كل مايطري على البال ينقال
‏قلنا جميع اللي نبي ما استحينا

‏لاكنّنا عقّال وعيال عقّال
‏يحسب لنا مثل مايحسب علينا

.....

‏صويحبي صار يتبع موضة الشله
‏بعد أرحب يقول ولكـم يابري حالي

‏العـام أعـرفه يحب الكيـف فالدله
‏واليـوم فستاربكس تغير الغالي

.....

الوفاء عند الوفي دين في الذمه
والملامه حمل من يجحد الوافي

من يبى يرقاء ويبقاء في القمه
لا زعل ليكون في خصمته جافي

معدن الطيب ولو شي حصل قدمه
مايضيع الود واتخمج الصافي

كل واحد له مكانه وله حجمه
ما ننقص جيد او نرفع الهافي

والمواقف وحدها تعتبر نعمه
فحصها شامل وبرهانها كافي


.....

يعجبني الصاحب اذا كان طحطوح
والصدق يعجبني وقول الصراحه

الجـيـد وسط القلب له قدر مطروح
واعـتـز به فــي كل ديـره وسـاحــه

بوقف مـعـه لا كان ضايق ومجـروح
واشيل هـمـه واعـتـني في جراحـه

الراس يفـدا كل غالي مـع الروح
بالذات اهل الصدق واهل الفصاحه

.....

‏مليت من شعري وقلبي وأنينه
ودي أعيش العمر وأكون فرحان

ودي أعوض مر عمري وسنينه
وأنسى زمان ليته اليوم ماكان

من يشتري مني قصايد حزينه
ويبيع لي شعر بلا هم واحزان

.....

غلطتي إني على النيّه مشيت
ما حسبت حساب دورات الزمان

كنت لاهي ما تصورت وهقيت
إن بعض الناس مافيها أمان

.....

الصـبــــر يا قلبــي على مُــر الايام
لاتنطــــوي ياقلـــب خليــك رايق

مَنته لحالك في همومك والاوهام
كم مالبشـر قلبـه مـن الحال ضايق

.....

‏أغـنـى فــقــيـر وعــزّتـه أكـبـر رصـيــد
وأفـقـر غـني وما أغـتـنى من رصـيـده

وأكـرم رجـل مـن جـاد مـن قـلّ ويزيد
وأبـخـل رجـل مـحـدٍ دعـى الله يزيده

.....