فوق هام السحب ( الشعر الشعبي) على متن القوافي

خذيت قسمي من غرابيل الايام
وأخذت من بعض المخاليق عبره

وعـرفت بـ أنك حلم من ضمن الاحلام
تزورني بـ الليل وتغيب بكره

....

بندقي يحسب لثورتها حساب
‏في خباها بندقي ماهي تثور

‏ان بغيت اقطع بها رمش الذباب
‏وان بغيت اصد مقدي ومعذور
‏
‏فالكلام الهزل سجلنى غياب
‏وفي ملاقى الروس سجلنى حضور

....

ساعة خلقنا نشقونا ببارود
قدام لانشرب حليب الرضاعه

وفي صبانا علومنا علا الجود
وبروسنا طيبه وعزز وقناااعه

متوارثينه من مطاليق الجدود
ورث من الجدان جود وشجاعه

....

‏ماشكينا حالنا ألا على رب العباد
‏الكريم اللى يعز البشر ويذلها

‏ولاتموت عزومنا دون غايات المراد
‏المحازم راهيه والدروب اندلها

....

‏خلك سما واترك هل القاع للقاع
‏وارفع عيونك للنجوم المطله

‏وخلك مثل ما قيل للعزم تبّاع
‏مافيه صعب إلا وربك يحله

....

اما تسابقنا على العز والطيب
ولا معي ياصاحبي لاتردى

‏فلا تدور من ورانا عذاريب
حنا نشوف اهل الردى وانتعدى

....

ليت النوايا مالها ستر ولباس
‏تظهر من صدور المخاليق جردى

اللي تظنه غير عن كل هالناس
‏بكره تشوفه مثل هالناس واردى

....

لولا ظروف الوقت ماقـيل لابـاس
‏ولولا الامل مايبتسم فـ الزمن حي

‏الله خلق هـ الناس تحتاج للناس
‏لا تبخل اليا صرت تقدر على شي

....

كان تبغي طيبك اللي بذلته مايضيع
احسن النية ترى كل قلب وما نوى

من يساوي بين قدر السنافي والوضيع
والله ان تعطيه الايام جرح بلا دوى

لاتظن ان العداله مساوات الجميع
حكمة الله في الأصابع ماخلاها سوى

....

ابشرك متعافين ولا علينا خلاف
‏نرد السلام وننطح الي يناطحنا

‏يوم الضعوف تطيح في ساعه الميقاف
‏لك الحمد ياربي وقفنا ولا طحنا

....