فوق هام السحب ( الشعر الشعبي) على متن القوافي

ما يروح الا اللي الله قسم منك يروح
‏وين تجري والجواري ماحد منها جرى

‏وما يجيك الا نصيبٍ عليه اسمك يلوح
‏ان بغيت تعيش في المدن ولا في القرى

‏قابل اللي تجيب الايام بـ الوجه السموح
‏دام منها ما سلم لا رعاه ولا اومرا

‏التفاؤل ياخذك من طموح الى طموح
‏والتشاؤم يحذفك انت واحلامك ورى

‏وقبل لا تكابد جروح وقبل تسلم جروح
‏والله ان الجرح جرح ان برا وان مابرا

‏التريّث زين في الجد ولا في المزوح
‏وش تبي في كلمةٍ ما تباع وتنشرى

‏وان نصحك اللي مخليته الدنيا نصوح
‏اسمعه لو كان ما قد كتب ولا قرا

‏كان ما فكرت في نوح ولا قوم نوح
‏اسمع ايات الله اللي بدت بـ الم ترى

‏وانبعاث الروح والجسم جسم بدون روح
‏وكيف تصعد للثريا وهي تحت الثرى

‏الفطين يجوّد العلم ولا اللوح لوح
‏ان نصحته مادرى وان تركته مادرى

....

فارقونا ولكن عادهم فيّنا
مانسينا ملامحهم وذكراهم

رحمة الله عليهم كان لاجيّنا
ما أوسع من البيوت الا محياهم

غير هالحين وإن سقنا خطاويّنا
لا بنلقى البيوت ولا بنلقاهم

مات من بعدهم ماكان يحييّنا
والفضا ضاق صدره يوم فرقاهم

ليه يانعمة النسيّان تنسينا
كل ماسج خاطرنا ذكرناهم

مايغيبون دايم عن حكاوينا
وفي وجيه الأماكن دوم نقراهم

ليتنا قبل نتسّمى بـ أساميّنا
من رصيد العمر زدنا عطيناهم

يارب اغفر لهم وأقبل دعاوينا
وإجعل جنان خلدك دار مثواهم

....

يا حظ من حط ذكر الله لجوفه رفيق
زهداً بالأبواب فاتحها ومقفولها

الأرض لله والإنسان حرٍ طليق
والله يحاسب عباد الله بفعولها

يا رب لا تختبر نفسي بما لا تطيق
ورضاك يا رب غايتها ومدلولها

الحمد لك والثناء اللي في جلالك يليق
يالله عفوك ومغفرتك وما حولها

....

‏صدماتنا من هالخلايق كثيره
والقلب ماهو بأيّ صدمه تهزّه

الصدمه اللي اعتبرها كبيره
لاخيّب الهقوات شخصٍ تعزّه

....

لـو جارت ايامك وجارت لياليك
الصبر فالشدة يصحح مسارك

لاتشـتكي للناس من جور مافيك
الناس فالغالب تحب إنكسارك

شطوىٰ لغير الله تنسل معاليك
والعز في نفسك يرد إعتبارك

لاتفتكر من شاف جرحك يداويك
ما للجروح إلا بلاسم عقارك

وانقش حفاتك واخرج الشوك بايديك
مهما تعثرت استند لا جدارك

للموت ساعه حق ماعنها مناص
وخوف البشر مارد عنها موتها

قولو لمن يرتاع من صوت الرصاص
اللي تصيبك ما انت سامع صوتها

....

راقب ضميرك لاتغش ولاتبوق
وإن جاتك الهقوات خلك قدّها

أحذر تسولف غير بـ لسان الصدوق
الكذب يكسر هيبتك ويهدّها

كلّ الخلايق ما تحبّ إلّا الخلوق
حافظ على أخلاقك وتكسب ودّها

....

سبحان من يعطي قـبول المخاليق
‏وسبحان من يفرق عطا عبد عن عبد

‏بعض الأوادم شوفها يجلي الضيق
‏وبعض الأوادم شوفها يدبل الكبد

....

‏تنفس الصبح والنور ابتدا بالظهور
‏وانا على جلسة البارح ما غيّرتها

‏افكاري تدور والدنيا تلف وتدور
‏ولا فيه ذكرى قديمه ما تذكرتها

‏اعيش في حالة استنكار ذات وشعور
‏وصلت نقطه غريبه ما تصوّرتها

‏احس روحي لحقها قل جهد وفتور
‏من كثر ما احترت فأحلامي وحيّرتها

....

‏اشهد ان الله عطا وجهك قبول
‏كل ما اشوفه اشـوف العافيه

‏جيتك وصدري من اللهفه يقول
‏ممتلي شـوق ومشاعر دافيه


....