اخترنا لكم

‏قديم الذكريات اللي مضت فالذاكره والعين
‏اليا مني بديت انسى تجددها لك امالي
‏
‏انا ادري من قبل تقفي وفيّ ومنت ابو وجهين
‏مثل مدري محال انك تقابلني وتصفى لي
‏
‏ما ظني حبني مثلك ولا ظني جفيت بزين
‏مواري صدتك كنها تساومني على ظلالي

.....

‏قلبي اللي حطه الوقت في راحة يديك
‏يا كثر ماهو بدرب المحبه صاينك

‏الصدف احيان تجرح ليا مرت عليك
‏خص لامن شفت شخصً تحبّه خاينك

.....

أنت السنين الوافيه وانت القريّب اللي بعيد
‏وأنت الحظوظ الصايبه اللي مشيت أسعى لها

....

‏لو تخلّيت قلبي ما تخلّى
عيش مرتاح وانسى هالتعب بي

كم له البدر مبطي ما تجلّى
كم لهذا المطر ماهو ملبّي

ماني بقايلٍ وقتك وولّى
راضيٍ فيك لو هجرك لعب بي

عادي أقول لك مشتاق وإلّا
أكتم أشواقي بصدري وأخبّي

إن تغلّيت من حقك تغلّى
وكان حنّيت لـي حيّاك ربّي

.....

‏جعل السعاده يا متابع لك غيوم
‏تمطر على ارض المشاعر وترويك

‏وان كان في صدرك تعاليل وهموم
‏تغسل مجاري خافقك لين ترضيك

بقلمي

ترى بيني وبين اللي مضى بالذاكره ميلاف
‏وإلين الحين ياخذني شعورٍ من أغانينا
‏ㅤ
‏عرفت إن القدر فرصه سعيده والحياه أعراف
‏لو إن الشوق من كثر البعاد المُرّ يصلينا
‏ㅤ
‏أزورك حلم من خلف الحقيقه والشعور لحاف
‏ما دام إن الوله واقف على سكة هقاوينا

.....

ياطير صوتك حرك اشواق وجراح

ودموع عيني من على الخد ساحي

ياليتني مثلك على الغصن نواح

من فوق غصن البان يشرق صباحي

ويا ليت لي ياطير ريشن مع جناح

كنت امتلكت الجو وابسط جناحي

حرن مع احساسي ومطلوق سراح

عايش مع اشواقي ومطلق سراحي

ياطير ياللي في هوى الشوق لواح

شفتك وفاض الوجد والسد باحي

نبض الهوى ساكن مع بعض الارواح

ما بينها همس وتناغم مباحي

ياما على دنيا الامل باب مرواح

وياما سجين البعد ماله مراحي

غدر الزمان وميلة الوقت ياصاح

.....

وينك تراني ضايق الصدر محتار
والعقل من بعدك تقول مخطوفي

ومن ضيقتٍ بالصدر نظمت الاشعار
واوضح الموضوع لك في حروفي

لنت بتخون الحب ولنت بغدار
ظروفك اسباب الفراق وظروفي

واللي حصل سبت تصاريف الاغدار
الايام تظلمنا وحنا نشوفي

مشيت انا وياك بالحب مشوار
كانت كفوفك بالوفا مع كفوفي

واليوم وينك وانت بالأمس لي جار
تعطف على حبي وتداري وتروفي

لكن تغير وقتنا والزمن دار
وشمس المحبه قربت للكسوفي

ورقابنا صارت على حد منشار
وعدواننا سلوا علينا السيوفي

وليا رجعنا نار وقدامنا نار
وحاجز حجزنا وماقدرنا نطوفي


.....

يغالط الواقع بكذبه وزيفة
بوجه فاتر مرتدي لبس وافي

مثل المضيف حين يرحب بضيفة
وبعد ساعة يضوي الضيف حافي

يا وقت يقتلنا برمحة وسيفة
والحال من يسأل نقل له عوافي

لا بارقه يلمع ولا امطار صيفة
ولا بدأ نابي ولا علم شافي

حتى الحلم نحلم ونفرح بطيفة
ونصحى وهو كابوس والنور طافي

يا قسوة أيامة ويا طول حيفة
لا دامت الغيمة ولا جو صافي

لكن يضل الجيد عايش بكيفة
لو عاش حتى يوم بالعز كافي

.....

تدري اني شخص ماني سريع اعجابّ
‏ولا كل حاجه عابره تكسب اعجابي

‏غلبت الهوى فتره لكن الهَوى غلاّب
‏تمادى ووقف في طريقي وانا مـابي

‏دخلت بحياتي عرض من اوسع الابوابَ
‏وانا للحبايب ماني مشّرع ابوابي

‏عطاك الله من الود والحب والاعجاب
‏مايجعلك سيّد قلبي وسيّد احبابي

.....