فوق هام السحب ( الشعر الشعبي) على متن القوافي

‏ماشوف غيرك لجل أحبه وأخليك
أعميتني ياروح روحي عن الناس

تستاهل أحبك وتستاهل أغليك
وإحساس حبك ماخلق مثله احساس

....

يا زارع الكِبر والمحـسوبية والحسد
من حب يحيى على الدنيا لوحده هلك

لا تؤذي أرواح غيرك ثم تحيا جسد
إتقبل الناس حتى الناس تتقبلك

الثعلب الشين ثعلب وان تحول أسد
والآدمي يايقع شيطان والا ملك

....

‏يا باقي العمر دنيا الناس خداعة
تجري سفنها ولا نعرف مراسيها

تطوي من أعمارنا باليوم والساعة
والعالم الله كيف نعيش باقيها

يالله بحسن الختام وصادق الطاعة
وأعمال تبقى تبيض وجه راعيهـا

....

لو الليالي تجينا مثل ماودنا
ما كان للشوق رغبه في وضوح النهار

ولو صواديف بقعاء مايله نحونا
لاتسبر اوضاع قد حلت عليها الدمار

ولو بيوت السعاده وارضها ملكنا
لاتصبح ايامنا بهجه* فرح وازدهار

....

ياهلا باللي عيوني ما تمله
من لنا غيره بها الدنيا حبايب

منزلـه في خافقي ماحدٍ وصله
جيت له في لهفتي حاضر وغايـب

....

‏دام صدري على ضيق الليالي كتوم
‏بخيط به كل جرحٍ صاحبه ما درى

‏العين صامت لكن جابت الدمع توم
‏لين أرتوى وجهي الشاحب ووجه الثرى

‏لابُد جرح المفارق له مع الوقت يوم
‏يبرى ولو طالت المده وهو ما برى

‏هذي محطة رحيل وهذي محطة قدوم
‏وقلوبنا ماهي للبيع والمشترى

....

‏الضامي اللي جف ريقه على ماك
‏اسقه من عدود الغرام المناضيح

‏معطيك روحه وانته أجزل عطاياك
‏جرحٍ مثل مضراب شلفا شليويح.

‏
عناد القثامي

‏و الليّ بلا موعد من الوقت جمّعنا
لو في يدي شي كان احقق احلامك

بكل ما تحمل الاشواق من معنى
اي والله اشتقت لك واشتقت لـ أيامك

....

‏يانازحين المحبه في الصدر لاتجون
‏وياجارحين الشعور البعد قلة حيا
‏
‏ويالاجئين الدموع ابكو مثل ماتبون
‏ويامهاجرين الديار الوصل منكم ريا

....

تدري وش الحاجه اللي تتعب اعصابي
‏لاجاء رفيقي يبي فزعه وانا ماقدر

‏طاح الفشق والحزام وطاح مشعابي
‏لو سقت عذري اشوف الناس ما تعذر

‏يالله برزقٍ يجملني مع اصحابي
‏لو ان بعض العطاء في بعضهم ماثمر

‏وانا على الغانمين اسوق ترحابي
‏ما كل من كثر ترحابي ولا افتر

....