ديوان قصائد لشعراء المملكة العربية السعودية (متجدد)☘️☘️

قصيدة قصر وقبر
الشاعر: زايد الرويس زايد الرويس
#العصر الحديث
#المملكة العربية السعودية
0
85 مشاهدة

النافذة تستطيل وتسدل خمارها

والشمس مسجونةٍ برا! وجوّى القمر!!

والغرفة انوارها تشكي.. على جدارها

والباب مكتومة انفاسه.. بضيق وقهر

به طفلةٍ تستحم! بزحمة اسرارها

إلى امطرت بالدموع.. يضيق عمر وصدر!

سألت عنها... ولا جاني من اخبارها

ألا انها عايشة في قصر داخل قبر!!

تنهيدة الصدر منها تقطع زرارها

مخذولة احلام.. مغلوبة يدين وأمر!

لو عمرها قد تجاوز نصف مشوارها

حرام تدفن أنوثتها.. ويذبل زهر

حرام في كل ليلة تسقط أقمارها

وانا اتنفّس مواجعها بطعم الجمر!!

قصيدة ماني وكيل ادم على ذريته
الشاعر: زايد الرويس زايد الرويس
#العصر الحديث
#المملكة العربية السعودية
0
84 مشاهدة

غصن الكلام اللي خذل قمريّته

قبل انكساره انكسر شاعر حزين

ما مل يبحث عن بحر حوريّته

الساكنة في معجم احلامه سنين

غنى لها عن قيده وحريّته

عن قسوة السجّان واحلام السجين

قبل الظما منها تذكّر ريّته

واستأنف احلامه تزين او ما تزين

في صبح يومه بيّنت عصريّته

ملامح التنهيد وافواج الحنين

مفضوحة احزانه رغم سريّته

وردد بصوتٍ فيه آهات وأنين

ماني وكيل ادم على ذريّته

هالشعر يكتبني وحبره دمعتين

القلب غصنٍ رفرفت قمريّته

بعد انكساره انكسر شاعر حزين!

قصيدة أنشودة التنهيد
الشاعر: زايد الرويس زايد الرويس
#العصر الحديث
#المملكة العربية السعودية
0
84 مشاهدة

لو رمشك النعسان ياخذني عن عيون الليالي

ما جيتك اتمرجح على ياسٍ تحداني لهيبه!

يا المترف اللي من ترفك: المُر مهما مر حالي

سافر بك الليل وسألت: الليل من يقدر يجيبه؟!!

انا الضحيّه للسهر لا اقبل يغني من خلالي

أنشودة التنهيد وانت بعيد والسكه قريبه

قم صبّ لي من صوتك التحنان ما يكفي لبالي

عن لحظتين من القلق والشوق والدمع وصبيبه

لو يرجع التاريخ بالتاريخ ما جيتك لحالي

واقفيت عن دربك بلاي بخطوتينٍ مستريبه

ماهوب انا لا والله الا كل غالي حب غالي

مابه حبيب الا وهو يرتاح لمعانق حبيبه

شفني وانا امشي في طريقي ما قدرت اسبق ظلالي

متعثرٍ في دربي المظلم ولحظاتي كئيبه

قدّ الحزن آخر قميص للفرح واوشك سؤالي

ينهار بي وادفع على صبري وتسويفك ضريبه

والبارحه جيت ارسم الدنيا بتفكيرٍ مثالي

لقيتها فوضى ترتبنا وكلٍ له نصيبه

في وسط مسرحها ضجيج اصوات واموات وتسالي

وافراح وجراح ودهاليز ومساحاتٍ رحيبه

وانا اجلس لحالي قريت حكايتي واللي جرالي

وشفتك تسولف لي عن التنهيد والعيد وصويبه!

كنت اتمنى لو تسافر بي عن عيون الليالي

وعيون ناس وياس واحساسك يطوقني لهيبه

قصيدة سرحان عبدالصبور
الشاعر: زايد الرويس زايد الرويس
#العصر الحديث
#المملكة العربية السعودية
0
84 مشاهدة

لو ينفض الليل جنحان الظلام ويطير

يتسلل النور لو ما بان وضح النهار

دام الضرير يتقدى في يدين الضرير

يا سرع طيحة حداهم والعصا للوقار!

الأول الأول الأول بعكس الأخير

غصب الأخير يتأخر عنه لاخر مسار

لو العرب كلها سرحان عبد البصير

عيّا المحامي يحامي والدعاوي دمار

واد الرشا لو يسيل يطيب سوق البعير

وان جفّ واد الرشا ما زاد سعر الحمار!

فالاوله ترخص الدنيا وكيس الشعير!

وفالثانيه صلوا استسقا فكل الديار

دلال عبدالعزيز موالفه مع سمير

حياتهم مستمره من مطار لمطار

وماهوب شرط الملك يسمع كلام الأمير

حتى لو ان الأمير بمرتبة مستشار

من بعد ما فاز بوش اللي يريده يصير

فايّات ساعه بكيفه لو يصدّر قرار

والا انت ياللي يدينك تستفز الحرير

مافيه غيرك شغل قلبي ولا شب نار

لن الكبير يتكابر والصغيّر صغير

والحلم عكس الغضب والسر عكس الجهار

والعز ما يلبسه رجلٍ من اول حقير

والذل ما هو من صفات الرجال الحرار

عمر الغني ما حسد فالمال شخصٍ فقير

والنار دايم بدايتها يكون الشرار

من حسن حظ النمل ماله جناح ويطير

وهنا ابتسامه باعلّقها بوجه النهار
تاريخ الإضافة: منذ سنتين

قصيدة بصحة الامي
الشاعر: زايد الرويس زايد الرويس
#العصر الحديث
#المملكة العربية السعودية
0
84 مشاهدة

سنابل الجرح بالضيقات محصودة

واللي بذرته خذته الريح قدامي

أحلامنا البيض قبل تموت موؤدة

كانت تسافر من ايامك على ايامي

لين التعب صار من جوده وموجوده

يمد لي كاس حزن ب صحة آلامي!!

والا انت يا سالفة عمري وعنقوده

شربت حزنك وانا من فرحتك ظامي

واصبحت اعيشك غلا ب اعصاب مشدودة

قدام تنهار ف اخر دربك اقدامي

ويوم اكتشفت انك اللي شح ب وروده

عشان يحفظ بقايا عشقنا السامي

عرفت وشلون اخلي حزني انشودة

وعرفت وشلون اكسّر لجلك احلامي

حجزت فالحزن رحلة مالها عودة

ألا إذا جابتك دنياك قدامي!!

قصيدة احباط
الشاعر: زايد الرويس زايد الرويس
#العصر الحديث
#المملكة العربية السعودية
0
82 مشاهدة

إحباط ه الوقت يملى لي عناويني

وأنا اتلفت واشوف الياس قدامي

إي والله اني تعبت وضاقت سنيني

وف اول نهاية طريقي ضاعت أقدامي

مليّت يا واقعٍ ما عدت تعنيني!

حتى ولا عاد تعني شي أحلامي!

كم مدّ قلبي.. قبل لا امدّ بيديني

وعضيت قلبي قبل لا اعضه ابهامي

وكم كان رشدي على غيي يوديني

يوهمني إن الكثير من العطا سامي

وكم قلت بكره تهون! وهانت بعيني!!

أيام عمري.. إذا هي فعلاً أيامي!

مرات أحس اني اكره كل ما فيني

لا شفت ما حولي الا باقي حطامي

مدري من اللي ب صدري كان يرميني

بس الأكيد إنها تحديداً سهامي!

كم شلت في خاطري جرحٍ يسليني؟

كم طاح من عيني أصدق دمع؟.. وأعوامي!

أفنيتني! ما دريت اني ب اغنيني

للضيقة اللي تقول ل فرحتي: نامي!

أحاول اكتب جروحي قبل تمحيني

والحبر دمي.. بعد ما جفت أقلامي

أفكر إني أسافر بي.. واخليني

أبعد عن الناس.. واتوّحد مع آلامي

يا ما أكذب الناس.. يا ما أصدق عناويني

طعناتهم! تنقلب ضحكات قدامي!!

قصيدة ماعاد الايام بيض
الشاعر: زايد الرويس زايد الرويس
#العصر الحديث
#المملكة العربية السعودية
0
83 مشاهدة

يا قلب شل ضيقتك واترك زواياهم

مالك وما للقلوب اللي بلا رايه

معقول تنسى ولا تذكر سواياهم

غلطاتهم حبر! ليش تكون محايه

ما عاد الايام بيض ولا نواياهم

لو يلبسون البياض ف أكذب روايه

شف منتهاهم وتعرف ويش مبداهم!

لو النهاية تكون احياناً بدايه

قل للظما يستريح ولا تجي ماهم

لا للوسيلة ولا مليون للغاية

أعذارهم لو تبللها تحاياهم

ما كل عذرٍ يسكر خلفه حكايه

يكفيك صدقك وتكفيهم خطاياهم

الصدق واضح ولا يحتاج لقرايه

لا يشغلك ما تشوفه في زواياهم

في يدك رايه! ولا تلمح لهم رايه
تاريخ الإضافة: منذ سنتين آخر تعديل: منذ سنة

قصيدة البقية في حياتي
الشاعر: زايد الرويس زايد الرويس
#العصر الحديث
#المملكة العربية السعودية
0
83 مشاهدة

انتي اجمل حلم عشته في حياتي

لو تحقق قلت ليته ما تحقق

لجل احسك واسهرك مع ذكرياتي

واقطف ورود المحبة واتشقق

كل ما احلم فيك تزهر أمنياتي

والعروق النابضة فيني توّرق

يا اقرب اقرب من حروفي في شفاتي

لو قربتي خايف اقرب.. ونتفرّق

في خيالي باحضنك يا اول جهاتي

طفل محتاجك وف رقبتك تعلّق!

وان خذتني دمعتي سقت اغنياتي

دام حزني كل ما اطريّك دنّق

وكان قلتي بابتعد يا كل ذاتي

كيف اصدّق شي لا يمكن يصدّق!

وان بعدتي ف البقيّه في حياتي

يكفي اني عشت حلم وما تحقق

قصيدة رسالة قصيرة
الشاعر: زايد الرويس زايد الرويس
#العصر الحديث
#المملكة العربية السعودية
0
82 مشاهدة

يا قلبها.. المليان.. تنهيد واسرار
يا صبرها..المكسورة آخر جسوره
يا عمرها المُنهك دروب ومشاوير
لين انطفت روح وتمادت خسارةطفلة نست تكبر وظلت صغيرة!
كانت تسولف للثرى.. تنبت ازهار
تضحك.. ويعرب صبحها عن سروره
بانفاسهاالمتخالطة..بالنواوير
واحساسها المبثوث شوق وحرارةوحكاية العشق الكبير.. المُثيرة!
كانت.. وكان الحب في قلبها نار
وانا اتشبث في مداه.. وجذوره
واحس كنالعمرمعهاغدا..غير
مايقتله.. غير الوعد وانتظارهولا يشعله غير ابتسام الأميرة!
أيام مرتنا.. وعشنا بها اعمار
لو القمر يقرب! قطفنا زهوره
عشاق: نخطي نسامح نداري نغير
نحلم ب عالم.. ما يمل الإثارةبس السعادة طاولة مستديرة!!
راحت.. ورحت.. وآآآه من شح الاخبار
هالغصن.. ما عادت طيوره.. طيوره
وش قيمته لا فارقته العصافير
؟وانا هنا.. بين الفرح وانتحارهأموت لو ترسل رسالة قصيرة!!
أعرف بها.. منها ولو بعض الاخبار
والوصل نبني ما انهدم من جسوره
ونلوّن الدنيا.. دروب ومشاوير
ونعوّض اللي فاتنا من خسارةلو طفلتي كبرتْ.. بتبقى صغيرة!!

قصيدة رساله له فقط
الشاعر: زايد الرويس زايد الرويس
#العصر الحديث
#المملكة العربية السعودية
0
83 مشاهدة

الهنوف اللي فرحها سافرت به عن بلدها

خلت الفرقا تسولف عن حبيب بلا حبيبة

ما ورا حزني عليها غير شيٍ من كمدها

ولا ستر فستانها الأبيض سوى حزنٍ يجيبه

وانت يا اللي من فرحك تضم يدك بوسط يدها

أشهد انك خذت مني وانت ما تدري ذهيبة

لو به انثى في حلاها مابه انثى في رغدها

ما يشابهها بعيد ولا تحاليها قريبة

حسنها في حزنها شف كيف صار آمرّ وادهى

عاد لو من قلبها تضحك تشوف اكبر مصيبة!

رح بها مادام ربي ساق لك ليّن جسدها

وانتبه تكفى على اغصانٍ من الرقة رطيبة

إن بغيت تمر مُر! بملحها والا شهدها

ومن دفاها! لا تقول القلب محرقني لهيبه!

إن حسدتك ما حسدتك غير في زمة نهدها

وان طلبتك ما طلبتك غير من زود الغليبة

اسألك بالله تكفى لا تقصّر عن سعدها

قد ما تقدر تهنيّها بلحظاتٍ عصيبة

وحاول انك قد ما تقدر تنسيّها نكدها

دام كلٍ في حياته ما يجيه الا نصيبه

خذ معك نبضٍ يعيش بها وهو داخل بلدها

واعرف اني من بعدها صرت اعيش بلا حبيبة!!