ديوان قصائد لشعراء المملكة العربية السعودية (متجدد)☘️☘️

قصيدة ضحكه وتنهيده
الشاعر: زايد الرويس زايد الرويس
#العصر الحديث
#المملكة العربية السعودية
0
82 مشاهدة

توي يابو قلبي بجرحي تساويت

وقدحت صوّان الفكر للكتابة

يقرا انشغالي بيت ويفسره بيت

قبل اعرف ان البحر جد السحابة

أكذب عليك ان قلت لك ما تمنيت

ألقى لخطواتي طريق ورحابة

وانت تعرفني زين لا رحت لك جيت

مثل السؤال اللي تجرّه إجابة

وانا لك الله من كثر ما تماديت

بحكايتي كسّرت قوس الربابة

أكذب عليك ان قلت لك ما تمنيت

للحزن فرح وللمشاعر صبابة

أهم شي انك معي وين ما اقفيت

ضحكة وتنهيدة وحلم وغرابة

يعني على ما قيل شفني تشاويت

واقف بوجه الريح عزم وصلابة

لو ضايقتني ضيقتي ما اسفهليت

في وجه حزني يوم كشر ب نابه

قصيدة جريمة
الشاعر: زايد الرويس زايد الرويس
#العصر الحديث
#المملكة العربية السعودية
0
82 مشاهدة

للسهر وعيون حزني والدموع وما وراها

والتعب واخر مشاوير التناهيد الأليمة

والجروح اللي مع الحرمان جت تاخذ قضاها

ما لقت غيري خصيمٍ يسكت لسطوة خصيمه

ليت لدروب السوالف خطوةٍ واقصر مداها

مثل ما لليل صبحٍ يستحلّه في صميمه

طحت ف يدين الليالي والليالي وش وراها

ما وراها الا تنازعني على فرحة يتيمه!

ضحكةٍ غابت عن اسماعي عسى روحي فداها

كل ما جا للنديم حكايةٍ تغري نديمة

يا عساك بخير يا قلب الرياض ويا ضياها

يوم غبت وما بقى لي غير ذكراك القديمة

أنبش الذكرى وادوّر لك عن احلامٍ تباهى

يوم كنّا نسرق من الوقت لحظاتٍ حميمة

ضحكةٍ ماهيب من شفتك معدومٍ حلاها

وان بغيت الصدق! ضحكة غيرك بعيني.. جريمة

قصيدة ياموت
الشاعر: زايد الرويس زايد الرويس
#العصر الحديث
#المملكة العربية السعودية
0
82 مشاهدة

من خلف قضبان السهر حسيت باحساسٍ يفوق

مرارة الواقع وضحك الحزن ف شفاه القصيد

قمت اندهك بين الليال المورقه ف اغصان شوق

آخر حروفك ينتهي وابدا ف الاول من جديد

ما تسمعين القلب أو ما تلمحين اللي يتوق

ما هزتك صرخه وونّه ذوبّت قلب الجليد

انا احترق خلف السحاب الممطر النازل ل فوق

انا انتثر مثل الرماد بليلة الريح الشديد

قرّبت اموت من العطش قرّبت اموت.. وليش اذوق

ملح البحر وانتي غديرٍ فيه نشواتي تزيد

انا حبيبك واحتضر روح وأحاسيس وخفوق

مدّي يدينك للحبيب ولا تخلينه بعيد

كيف النخل يقدر يعيش ب حلم تنساه العذوق

دام السواقي شحت ب ماها وهالماطر زهيد

حبيبتي يا الطف وارقّ من الندى قبل الشروق

شربت حزني مره قبل احس اني وحيد

ماني مصدّق.. صدقيني.. كيف دنيانا تبوق

الحلم والضحكات واللحظات.. لكن وش يفيد!!

هذا أنا مانيب انا واتأملّي سبع الفروق

ما عاد باقي بي سوى الدمعات والموت الأكيد

استسمحك حبيبتي ب اموت لكن لا يروق

بالك بعد موتي.... ولا حتى ب بهجة يوم عيد

بابيع هالدنيا واب اشري صوت بالشوق مخنوق

باموت...... لكن... طالبك... لا يشغلك حبٍ جديد

قصيدة جوالي وسماعته
الشاعر: زايد الرويس زايد الرويس
#العصر الحديث
#المملكة العربية السعودية
0
82 مشاهدة

ست الاحباب شوفيني هنا محتريك

ألعن البعد وسنينه على ساعته

عاشقك من كثر ماهوب مجنون فيك

حط حيله ف دخانه وولاعته

يا اجمل ايام عمري عاشقك يفتديك

يشتري كل دمعة حزن ما باعته

اسمعي حزن صمتي لا انتهى يبتديك

صرت ما اطيق جوالي وسمّاعته

كل دقة تدق ف قلب زايد تبيك

وكل دمعة معلقها ف شمّاعته

لو حضن منك تنهيدك ولمسة يديك

كان دنياه في غيبتك ما لاعته

اختلط فرحي بحزني وانا محتريك

والأكيد اني العن بعدك وساعته!!

قصيدة أسئلة وافتراضات
الشاعر: زايد الرويس زايد الرويس
#العصر الحديث
#المملكة العربية السعودية
0
80 مشاهدة

صوتك مُثير لكل ما يمكن يثار

من أسئلة أو افتراضات.. أو.. أو

وانا بعيدٍ عنك تجلدني افكار

تبدا بكيف وتنتهي دايم ب لو

كيف اقطفك لا مالت غصون الاشجار

لو ازرعك واغيّر الجو ب الجو!

يا ام الحنان الممتلي عشق واسرار

يا ام الجمال الممتزج ضي.. مع ضو!

من وين ما سافرت بك شفتك انوار

كواكبك متقندلة ب اول النو

البحر ما يحتاج مركب وبحّار

يحتاج له عشاق باحلامهم جوا!

كل المداين وجنتك.. شفتك نار

مادام صوتك واصلٍ مسمعي تو!

أثار بي ف الحال ما يمكن يُثا

رمن أجوبة أو اقتراحات.. أو.. أو..

قصيدة كل حاجه تمام
الشاعر: زايد الرويس زايد الرويس
#العصر الحديث
#المملكة العربية السعودية
0
80 مشاهدة

من ورى البعد شق الليل صوت الغرام

محبطٍ من جراحات الزمان البهيم

ليت للجرح نزف يبل ريق الكلام

كان ماجيت اشيله مثل طفلٍ يتيم

أكثر ايام عمري تختنق ف الزحام

واجمل ايام عمري طعنةٍ ف الصميم

غربةٍ ما يغرّبها العتب والملام

راودتني وردتني لجرحٍ قديم

كثر ما كنت اشوف الحرب ضد السلام

صرت اشوف السلام الحرب والصحو غيم!

وين اوديك يا قلبي ودربي ظلام

والخطاوي تضيع وخطّها مستقيم

أسألك عنك! واسمع: كل حاجة تمام!

وين هذي التمام وباقيٍ بك هشيم!

طال هالبعد وجروحي تزف الغرام

والجراحات تتكاثر وليلي بهيم

قصيدة على الطاير
الشاعر: زايد الرويس زايد الرويس
#العصر الحديث
#المملكة العربية السعودية
0
79 مشاهدة

رميت الورد واطفيت الشموع وعدت بالامي

الملم حسرتي واعيد ترتيب الدموع افواج

خساره يا خساره ما تحقق أجمل احلامي

سجني في قيوده ما كتب لي موعد الإفراج

ألا يا لوعة القلب الحزين وجرحه الدامي

خفت صوت الشعور وماتهادى نوره الوهاج

نسيت استكتب حروفي بعد ما جفت اقلامي

دخيلك يالورق يكفي تزودها علي احراج

انا حبيت من قلب ومشاعر تسرق ايامي

تغيبها بدهليز الحنين وتكسر المزلاج

غرامك شي يلعن جد جده ضيّع الظامي

يموت من العطش ما فكر يسبب لك اي ازعاج

عليم الله ما بللّ خيالٍ فيك مترامي

سوى بعض الغموض ودهشةٍ ما سولفت لحجاج

لأنك صاحب الحسن المثير وقلبك اجرامي

على هونك ترى ماني العراق ولانتب الحجاج

تغني لك عصافير الصباح بنبضها السامي

ويعجبك الصخب وانته تقلب ناعم الديباج

وانا واقف بقارعة الطريق ويلفح عظامي

براد شعورك الميت وقلب محوّطه بسياج

حرام اللي تسويه بحبيبك ماتت اعوامي

وانا خابرك تفهمها على الطاير ولا تحتاج

اذا ما اشعلت شمعي حس ياخي باصغر الامي

اذا ما عدت ترتيب الدموع افواج بعد افواج

قصيدة مع المحبه لتركي رويع
الشاعر: زايد الرويس زايد الرويس
#العصر الحديث
#المملكة العربية السعودية
0
79 مشاهدة

أنا بخير.. وعارف سرور طيّب

ومشعل أموره كلها الحمد لله

بس انت وينك؟ يا البعيد القريّب

أقفيت مثل الغيم لامن نسى ماه*********************

مر في بالي البارح كلام وكلام

يعربه من قدر يقراه ويترجمه

قلت يا تركي رويّع عليك السلام

من قلوبٍ بحبك كلها مفعمة

أنت غايب.. وكنّك غايبٍ عام

شفت كيف الزمان.. وسطوة العولمة؟

موجع الوقت حتى لو غشاه الملام

ما يجوز نتعذر فيه! أو نشتمه

لو مسافاتنا مثل الصفا والمقام

كل واحد حسب قلبه تسير قدمه

كلنا غايبين ب حلّنا... والحرام

في صدور الغياب نعلّق الأوسمة

خل هذا.. وقلي.. كيف امورك؟ تمام!

وكيف حال الصغار وروحك المُلهمة

أنت سولف وانا عندي كلام وكلام

من قلوبٍ قرت حبك وانا اترجمه!

قصيدة ولد عمك علشانك تمشكل مع ولد خالك
الشاعر: زايد الرويس زايد الرويس
#العصر الحديث
#المملكة العربية السعودية
0
79 مشاهدة

بدون مجامله انتي لحالك.. والبنات لحال

تربعتي على عرش الجمال وصرتي لحالك

ولا به بنت تشبه لك بنات العم والا الخال

ولد عمك علشانك تمشكل مع ولد خالك

يبونك كل واحد قال يالله علّها لي فال

والى احدٍ قالها رديت فال الله ولا فالك

تحبيني وانا احبك سوى فالحل والترحال

معك من وين ما رحتي كأني اشبه ظلالك

احبك واعشقك واهواك ميت فيك دون جدال

وانا ادري انك تحبيني وحبي مشغلٍ بالك

صبرت اكثر من اللازم وصبري يا حياتي طال

ابي لحظة لقا تسمح واشوفك واكسب وصالك

قصيدة الدعيع والشلية
الشاعر: زايد الرويس زايد الرويس
#العصر الحديث
#المملكة العربية السعودية
0
79 مشاهدة

حبيبي لا تزودها عليّه

ترى ماعاد عندي قابليّه

احبك والمحبه وسط جسميه

نا فالمخ مركزها خليّه

جرت داخل كرياتي وعاثت

بلتني يا بعد عمري بليّه

تصد القلب صدات الدعيّع

تراوغ كنها محمد شليّه

تسوي بي سوايا ما تسوى

لها فالقلب حق الأفضليّه

عيوني لو تبيها لا تردد

تراها لك أبد ماهيب ليّه

وانا كلي بعد لك يا حبيبي

عطيه في كرمها وايليه

ألا ياليتنا نسكن وحدنا

نسولف ونتقهوى الشاذليه

ولايف ما يكدرنا عواذل

سوالفنا بريئه مخمليّه

نشب النار ونطالع بعضنا

بوسط ارضٍ من العالم خليّه

لو ان الحرب قامت ما درينا

كأنّا فالعصور الجاهليه

حياةٍ في بساطتها عجيبه

ومع هذا بنشوتنا مليّه

اخوك اقول عنه انه رحيمي

بلكنه نعتبرها ساحليّه

رحيمي عند اهل جده نسيبي

يقولونه بروحٍ عايليّه

والى مني مسكتك مع يدينك

كسوفك ما بهالدنيا حليّه

تقولين بطفوله وف براء

هحبيبي لاتزودها عليّه