اخترنا لكم

صباح الوله ياللي معاك المشاعر فرض
‏تصادق عليها الشمس والصبح يضمنها

‏تعالي وسط صدرٍ ملكتيه طول وعرض
‏عن الخوف غافل رقّتك لين يامنها

‏تقول السماء لا شافتك ماشية في الأرض
‏علام السحايب ناسية قطعةٍ منها

.....

حبيبي من غفى طرفك قبل حزّة طلوع النور
‏وأنا للحين أحس الصبح متخبّي ورى أهدابك

.....

قلت اصبري قالت أنا أقولك زين
قلت أتمنّى ما تكوني بخيلة

ضمت يديني قلت توّك تحنين
قالت يدينك بس هذي قليلة

يوم حضنتني دمّعت قلت تبكين
قالت أظن الدمع أصدق وسيلة

ردّت وقالت وش عذاب المحبين
قلت الغياب وفي عيونك دليله

.....

روحي فدا الي يليق ابها النبط والفصيح
‏الي عليها القصيده تزهم القافيه

‏ان اقبلت شفت وش معنا الزمان الشحيح
‏وان دبرت شفت معنا النعمه الضافيه

‏الله عطاها الذرابه واللسان الفصيح
‏والضمه الدافيه والكلمه الخافيه

‏فرعاً عليها السحابه تستلذ المطيح
‏وتباشر الارض فيها لامشت حافيه

.....

اخاف لا منك بغيتي تنامين
‏ما أحدٍ يمد لحافك ليا استويتي

‏وأخاف ما أحد يقول لك يوم تدعين
‏أبشرك زانت بعد ما دعيتي

‏وأخاف لا قمتي وخاطرك شين
‏ما أحدٍ يعرف من نظرتك وش بغيتي

‏وأخاف واجد واجد إنك تروحين
‏يا ويلي ان رحتي ولا عاد جيتي

.....

أبي لي ساعةٍ تبتّل فيها للشفوف عروق
‏تعال وهات معك الساعة اللي نختلي فيها

‏تعال ورّد عمرٍ من ربيع أيامنا مسروق
‏معاك أنت الدقايق كانت أيام بلياليها

.....

ياللي فرقتي بالكلام وبالغياب وبالحضور
‏يا سالبة عقل الغلام اللي فهق سن المهد

‏حقك علي اكبر من أحبك و وينك لو تجور
‏عاد انت تامر وانا تحت أمرك بأحاول واجتهد

‏ببقى معك لين الحياة تدور واسكن فالقبور
‏هذا عهد وانا من اللي ما يخونون العهد

.....

يزيدك دلالك تِيه وازيد فيك هْبال
‏أنا اللي يشوفك قِبلته وين ما وجّه

‏ألبّي وأفدّي كل ما جيتني تختال
‏وأشاهدك ْ وألقى في مشاهدتك السجّة

‏على بحر ْ جيدك قشّة الغارق السلسال
‏أدوّر نجاتي بعد ما صرت في لجّة

‏من يلوم طرف ٍ هام في عودك الميّال
‏عيون ٍ فتنها الحسن هذا لها حجّة

.....

لا تخاوي البخلان وتساير اللاش
‏تسلك مساليك الردى وانت جيّد

.....

اللّي خذلنا ما نعيد الرجاء فيه
لو هو بجنب أكتافنا ما نشوفه

.....