اخترنا لكم

اناشــــــدك بالله يا شـــــوق باللهون
قلبي فقـد يا شـــوق كامـــل عزومه

على الحبيب اللي في الروح مدفون
الغايـــب اللي في خـيالــــي رسـومه

ياشـوق خـذنــي وين ماكان ويكون
ودي ازور الـزين واعـــــرف عـلــومه

حـتـى ولو قالـــوا لي الناس مجنون
انا اعـرف المجـــنـــون ماحـد يلومه

.....

جعل عيني ما تشوف إلا عيونك
وجعل حالي ما يضمه غير حالك

انت قل لي وش هالـــدنيا بدونك
والله ان مـــــابه حياه إلا وصالك

.....

انت الوحيد اللي عطا قلبي الامان
يوم انه ابوي في صفوف الميتين

شفت فيك اللي فقدته من زمان
لا تخليني يتيمه مرتين

.....

عن كل ماضي خوفك لا تخافين
لو الليالي والزمان يتحداك

لايضيق لك خاطر عسى ماتضيقين
كل الظروف اللي تشوفين تفداك

.....

‏عطني جروحك كلها وارقد الليل
واترك عيوني للسهر ترقب الضي

كل ماتضايق خاطرك ضمني حيل
لا تشتكي للناس همك وانا حي

.....

‏ياشوق لا تقسى على عيونه السود
انا دخيلك لا تعذب جفونه

ما زال في عمر الصبا ناعم العود
حرام غير الكحل يلمس عيونـه

.....

‏تدري وش اكثر شي خلاني اهواك
حبك وعطفك والغلا والتفاني

وتدري وش اللي مايخليني انساك
خوفك عليّ وتضحياتك عشاني

.....

يامن جرح قلبي وخلاني عليل
أشتقت لك تكفى لوجه الله تعال

مالي غنا عنّك اذا اعلنت الرحيل
ومستحيل انسى ونسيانك مـــحال

لعيونك الثنتين اجيب المستحيل
وادفع لها ما في يميني والشمال

.....

تذبحني الغيـره وانـا واثـقن فيـك
واصبر ولا ودي تعرف اش حصل لي

من كثر خوفي زايد الشـوق ياذيـك
صبرت ما احد في عذابي فطـن لـي

بالضحك وحروف القصايـد مسليـك
والنار فـي عقلـي وقلبـي وكلـي

عـز الله انـك هـم لكنـي اغليـك
والله حتـى همكـم جايـز لـي

تشوف شوقٍ في عيونـي يناجيـك
واشـوف بعيونـك عذابـي وغلـي

.....

‏ياعايش الدنيا ترى الحظ مقسوم
مثل الهبوب اللي بلا دار وديار

نجري ورى الدنيا مع الليل واليوم
ويا ما وطت الأقدام عجلات الأقدار

.....