فوق هام السحب ( الشعر الشعبي) على متن القوافي

‏جعل المساء ﻣن حلا الحظ يعطيك
‏تامر وتنهى وتسعى الناس لرضاك

‏جيتک يامنى الروح بالشوق أمسيك
‏لبى فؤؤادك جعل المخاليق تفداك

....

‏يقول لي مرحبا واقول وبك البقاَ*
‏ياللي حياتي بدونك ماوراها حصيل

‏واذا زعل قال ابقفي قلت وانت تهقاَ
‏تلقآ مع الناس من يصلح مكاني بديل

....

اغليه وسنافي ومرفوع هامه
‏ومنصى لمن لحقه من الوقت خلّه

‏كل مانصيته ما يغيـّر كلامه
‏يبرك لـ حملاً مايشال ويشلّه

‏اعرف ظروفه زين واعرف نظامه
‏مايرتكي بـ عزومه الا على الله

‏له في محلّي كبر قدر و كرامه
‏ولي في محلّه دولة مستقله

....

كل حاجة ماشية بأمر الله وتدبيره
لاتكلّـف بالحياة ولا تحب وتكره

يتعب الإنسان في شيٍ يروح لـغيره
وياخذ المرتاح شيٍ ماخطر في فكره

....

مدام رزقي عند رب المخاليق
‏مالي ومال الناس واللي وراها

‏يارب تجعل كل عمري توافيق
‏ونفسي من الزلات تغفر خطاها

....

لاصرت ماتلتفت في لمعة بروقي
‏فالله يجملك وأنـا الله يجملني

‏يعني لو إني عليك أموت من شوقي
‏والله ما أجيك وانت الي مهملني

....

ياقلبي لاتشره على كل مخلوق
كلن يشوف الناس في عين طبعه

قلبي واعرفه ابيض اللون موثوق
لايجرح اصحابه ولا يخون ربعه

....

ياغايبه وين الغلا وانت وينك
كذا بدون اسباب عني تخليت

عيني سهيره تنتظر شوف عينك
لي مدتن وانا ارقبك ليه ماجيت

....

انت الغلا كل الغلا والغلا انت
‏وشهي حياتي ياحياتي بدونك

‏
‏قدام كل الكون ياخلي اعلنت
‏قلبي وعقلي والمشاعر يبونك

....

النفس عافــت والحياه اقهرتنـــي
اساير أيامــــي على قـــدر الامكان

والوقت قاسي والضروف أتعبتني
والحظ مايل عن مســـاره ولازان

....