فوق هام السحب ( الشعر الشعبي) على متن القوافي

‏اذا ارسَلَت تصيبنـي لهفه وشـوق
‏ويصير وجهي مكتسي بالبشاشه

‏واخش جو العشق واروق واتوق
‏حتى ولو هي حروف بوسط شاشه

....

‏لبى المساء تاملته على شانك
‏ولبى حروف تفرقها وتجمعها

‏يازين كلمة مـساء الخير بلسانك
‏من حلوها كني اول مره اسمعها

....

‏واحد من الناس يكفيني وراضيبه
ماريد غيره ابيه اموت واحيابه

يامر وينهى ولبي لـه مطاليبه
تفداه روحي وقلبن تله انهابه

الزين والذوق هي جملة عذاريبه
وحلو النبا مع دلولن حيل جذابه

....

انت اجمل ذنب برضاي اقترفته
‏وقلبك اطهر قلب في هذا الوجود

‏وانت اوفا شخص بالدنيا عرفته
‏يحفظك ربي من اطماع الحسود

‏الغلا من اجل عينيك احترفته
‏جود يا وجه السعد بالوصل جود

....

في عروش القلب متربع على كرسيه
حاكمٍ كل المشاعر والحواس الخمسه

ماتشوف عيوني الا هو ولا به زيه
ولا لمست كفوف غيره واه محلى لمسه

وما تنفّس صدري الاّ انفاسه الورديه
ولا عشقت من الكلام الا ذرابة رمسه

....

‏اعطش لشوفك وترتوي بك عيوني
‏لأنك غدير اللي من الوجد عطشان

‏اشتاق لك شوق يهيض شجوني
‏شوق المحب اللي تعلق بخلان

....

اقراء كلامي ي الغلا وافهمه زين
لاتحسب احساسي مجرد خواطر

كل ماكتبت لخاطرك ي اريش العين
كله مشاعر من صميم المشاعر

انت الذي أعنيه وسط الدواوين
وانت الذي خليتني صرت شاعر

وانت الذي وسط الكبد والشرايين
وانت الذي في الروح ناهي وآمر

....

‏أتركوني في جراهيد الحياه أسحب بساطي
‏لين همي ينجلي في شامها ولاّ يمنها

‏ما سلم من دورة الوقت الحذِر والإنضباطي
‏كيف عاد أسلم و أنا اللي معطي الدنيا رسنها

....

الناس واجد واقرب الناس مني
رجلٍ يبادلني الغلا والحشيمة

شخصٍ ادور له عذر لاعزمني
وشخصٍ اجيه بلا اتصال وعزيمة

....

‏لاتشتكي من بعض الأصحاب وتبوح
‏كلن يبيّن بـ آخر الوقت أصله

‏أحدن يجيلك لأجل حاجات ويروح
‏واحدن لو انه راح ماغاب وصله

....

‏