فوق هام السحب ( الشعر الشعبي) على متن القوافي

ماعندي لـ كشف النـوايا مـرونة
من طاب فالجنة ومن خاب فالنار

أعــامل العــالم بمـا يظـهـرونـه
واترك خوافيهم لعـلّام الاســرار

....

تعلمت من طبع الشجر قيمة الأخلاق
‏يدور الزمان وعادته مايخليها

‏يهب الهوى وتطيح من غصنه الأوراق
‏وعلى كثر مايحتاجها مايناديها

....

لنا الأرض مفرش والسماء والسحاب وشاح
‏على العز غنّي وأطربي ياحمامتنا

‏أنا نوب أقول الله خلقنا بـ عشر أرواح
‏على كثر ماجانا من الوقت ما متنا

....

العمى ‌والله ‌عمى ‌التدبير يالعين الكفيفه
‏والبخل ‌والله بخل الاخلاق ياليمنى البخيله

‏دايم العقل الثقيل يجيك فالنفس الخفيفه
مثل مالعقل الخفيف يجيك فالنفس الثقيله

....

‏لا تذي الناس ولا تخطي ولا تظلم
‏ترا حقوق البشر ماهي بمغفوره

‏لا تحسب إنك نجيت ومنها تسلم
‏ياويل من مات ونفسٍ منه مقهوره

....

مايعيش الحر في عش النسور
ولا يموت العز من قلب الشجاع

الذليل يعيش ويموت محقور
والكرامه كنز لكن ما تنباع

....

ياطير وسّع خاطرك فوق الاشجار
واصدح بزينات اللحون الجميله

لو بالخواطر ضيق واحزان واسرار
الصبر غايات النفوس النبيله

....

‏ما اخاف من فرقاك فرقاك عادي
يتفارقون الناس وانا من الناس

اخاف لاقامت عيونك تنادي
اشوفها واصد ماعندي احساس

....

‏الشوق ذوق ولـ المواصيل ميعاد
يآشوقي وذوقي وكل المحبه

لآ صار قلبي فدوتك قول وش عاد
قلبي اسير وانت بالوصل طبه

....

من مساء الخير لك حظ ونصيب
ي مسائي وأجمل أيام العمر

ي عسى ظني بمثلك ما يخيب
ي مكفيني عن قلوب البشر

....