فوق هام السحب ( الشعر الشعبي) على متن القوافي

‏مشتاق لك والله اعلم بشوقي
‏يالي عليك القلب ميت من الشوق
‏
‏سمعني بوحك ودي انعش خفوقي
‏احس انا من كثر الاشواق مخنوق

....

‏منك أستسيغ اللي أبد مايُستساغ
عقلي على حبّك مع القلب أتفّق

أتنفّسك ماقلتها لك من فراغ
أنت أكسجيني لو فقدتك أختنق

....

زف النسايم يا مساء التمني
‏مادام باقي للاماني مسائات

‏ماني مكبر بالمخاليق ظني
‏ظني كبير برب سبع السماوات

....

في عيوني ماحدن غيرك حـــــلا
‏في وسيع الكون ماشوف بحلاكٍ

‏من غلاتك مابـــقى فيني غـــــلا
‏يشهــد الله مالكٍ قلبي غـــــــلاكٍ

‏الحبيب ان حب عمره ماســــــلا
‏وانتٍ قلبي ماخبر يومٍ ســـــلاكٍ

‏ان حكيت وقـلت لـــبيه وهـــــلا
‏كم يطـرب مسمعي عذب محكاكٍ

....

الله بـلاني فـيــك بـلــوى عظيمه
‏انسـاك مره واذكــرك عشر مرات

‏كان النظر عندك يســمـى جريمه
‏عـز الله اني مجــرمٍ كل الاوقــات

....

‏لاصبحت في نعمه وربـك معافيك
لا تشتكي مـادام مـسـتـور حـالـك

رزقٍ يـسـد الـحـال لـو قـل يكفيك
خلك عزيز النفس لايضيق بالك

ولا تجعـل الدنيا تـصـدك وتغـويك
عـن ديـنـك اللي يعتبر راس مـالـك

واطلب كريمٍ عنده الخير يعطيك
الـواحـد الـلي مـايخـيـّب سـؤالـك

....

من طبعي أواجه العالم و أصارحـها
واللي يشابـهني من الناس يـجذبني

تعجبني الحاجه الحلوه و أمدّحـها
حتى ولو كان صاحبـها مايعجبني

....

‏قـرب عسى العـذال تفدى مواطيك
وتعــال لـيـن تصـيـر يـدك ب يـدي

ب أقول لك جمله عن الكل تغنيكك
مادمت عندي مالحـد شـي عندي

....

‏أنت الغـرام وشمعـة الجلاس
ونورك على قلب العناء شارق

وجهك من الفردوس والنوماس
وخصرك قتيل ومبسمك سارق

كل يوم أشوفك غير كل الناس
وكل يوم أشوفك نادر وفارق

....

النوايا صـــــافيه والقلوب متسامحه
واحلا بالدنيا نقـــــــا بــيض القـلوب

والمشاعر ودها والروح فيها سارحه
وكل طاري ذكرها تــــحيي طُـــروب

والعيون بُنـــدق ب نضــــرات قارحه
راميــة نار الـــهوى ب قلبي حــروب

والاحاسيس صافنه والشعورمتفارحه
كل شــين الطبع مـنه حُـسن السـلوب

....