فوق هام السحب ( الشعر الشعبي) على متن القوافي

بيض الله وجه من راعىٰ المشاعر
واحترم حق الصداقه والصحب

ارتفع قدره بقلب احساس شاعر
اشهد ان حبه على نفسي أحب

....

لاتخفي الشوق كانك في الهوى صادق
‏خل المشاعر تسولف عن هوى قلبك

‏صارح حبيبك ترا كتم الهوى حارق
‏ماهيب صعبة تراها كلمة احبك

....

‏تدري متى اشتاق واكون مشتاق
‏لامرني طيفك وعطرك وطاريك

‏هنا تبعثر كل روحي بالاشواق
‏ولا فيه غيرك وسط قلبي يباريك

....

من عادة الوقت لامن خاب يوجعنا
ومن عادة الصمت يحكي كل مافينا

واصدق دروس الحياه اللي تعلمنا
دنيا قصيره وتضحكنا وتبكينا

....

جيتِك وانا كُـُلِي من الحُـب اشواق
ليتِك تلبي اليوم ماجِيت لاجله

جيتِك وانا لي قـلب عاشق وذواق
ماقد لقيت يابنت او شفت مثله

جيتِك وانا لي قلب هايم ومشتاق
والكل يعرف عن شعوري وشكله

جيِتك وانا لي قلب شامخ وعملاق
ساكن وسْط صدري وفارض محله

جيِتك وانا لي قلب يابنت مُنساق
وانتي الذي نحوك طلبني بنقله

جيِتك وانا لي قلب طيب واخلاق
كم ياقلوب صارت تِحلم بوصله

....

ﺟﺘﻚ ﺍﻟﺮﺳﺎﻳﻞ ﺗﻌﻠﻦ ﺇﻧﻚ ﻋﻠﻰ ﺍﻟﺒﺎﻝ
ﻣﺎﻏﺒﺖ ﻟﻮ ﺇﻧﻚ ﻋﻦ ﺍﻟﻌﻴﻦ ﻏﺎﻳﺐ

ﻣﻬﻤﺎ ﺗﺒﺎﻋﺪﻧﺎ ﻭﻣﻬﻤﺎ ﺍﻟﺰﻣﻦ ﻃﺎﻝ
ﺗﺒﻘﻰ ﺃﻋﺰّ ﺍﻟﻨّﺎﺱ ﻭﺃﻏﻠﻰ ﺍﻟﺤﺒﺎﻳﺐ

....

سرى الليل وعيون المولع على الجوال
‏يراقب ظهور الصاحب اللي على باله
‏
‏يخاطب نجوم الليل لامن ليله طال
‏لعل النجوم تطمن القلب عن حاله

....

تبي الكلام الصدق بيني وبينك
‏اسمع معي هالبيت مادمت وياك

‏من باع كل الناس من شان عينك
‏حطه بعينك واجعله نور دنياك

....

فاحت دلال الغلا من فوق صدري
وسقت لك فنجال وصلك لاترده

قوم صبحني وقبل الناس بدري
كل يومٍ دون صبحك ما اعده

....

‏ﺗﺎﺑﻊ ﻭﺃﻧﺎ ﻟﺠﻠﻚ ﺑﻨﺸﺮ ﺑﺎﻻﺷﻮﺍﻕ
ﻭﺃﺳﻤﻊ ﻣﻊ ﺍﻟﻤﻨﺸﻮﺭ ﻗﻠﺐٍ ﻳﻨﺎﺩﻳﻚ

ﺗﻘﻮﻝ ﻟﻲ ﻭﺷﻔﻴﻪ ﻭﺃﻗﻮﻝ ﻣﺸﺘﺎﻕ
ﻭﺃﻥ ﻗلـﺖ ﻟﻴﻪ ﺃﻗوﻝ ﻭﺩﻩ ﻳﺤﺎﻛﻴﻚ

....