اخترنا لكم شعر نبطي وفصيح

‏الحب ماهو دق رقمي وانا اجيك
‏ولارسايل شعر من قول شعـار

‏الحب شي داخـل القلب يرميك
‏في تهلكة عاشقك لو كـان جبـّار

.....

ياطالب الغفران سبّح وكبّر
وابليس عن درب النبي لا يصدّك

وأن شفت شدّه في زمانك تصبّرْ
واطلب كريمٍ من عطائه يمدّك

وخلّك طليق حجاج واحذر تكبّر
وإياك تتبع واحدن مايودك

والعبد في حكمة وليه مدبّرْ
واصل طموحك والكسل لا يردك

.....

ياقلب حذرتك من جنون الشوق
‏تجاهلتني ياقلب واهملت دوري

‏ياما نهيتك عن هوى كل مخلوق
‏ترى الهوى والعشق ماهو ضروري

‏وهذا النتيجه قلب بالشوق محروق
فاقد معه حسي وفاقد شعوري

.....

مكانِتـك ما زادهـا المدح مقيـاس
ولا يقـلـل شـانهـا منتـقـدهـا

أنت اللي تحدد مقامك مع الناس
من وين ما حطيت نفسك تجدها

.....

‏لا تحـسب الــدنيا على ماتمــنيت
‏تصــدِمك في لحظــات واتروح فيـها

‏خلك وسيع الصدر لا رحت وان جيت
‏نوبه عليـك ونـوب تضحك عليها

.....