فوق هام السحب ( الشعر الشعبي) على متن القوافي

‏من كثر ماحن نداري على الخاطر
‏مالقينا في الزمن من يدارينا

‏ياظروف الوقت ياغلطة الشاطر
‏البلا فالناس والا البلا فينا

....

ياساكن اعماقي انا حيل مشتاق
‏والقلب ياقلبي من الشوق ضايق

‏ليتك تحس بناري اللي بالاعماق
‏والله ماتبعد عليا دقايق

....

فقدته وجيت ادفع ثمن غيبته واشريه
‏واقول المفارق ذنب والوصل تكفيره

‏من اول يداري خاطري مثل ما اداريه
‏وذلحين مدري ويش عذره وتبريره

....

يالمترفه يم العيون المرايـيش
‏ياللي جمالك كنّه جـنود كنده

‏تمهلي مانحتمل هجّمة الجيش
‏على الذي قد غلّق الصّبر عنده

....

انخذلت وردي الفواح ذابل
‏اثر طعنات الحبايب مو بسيطه
‏
‏دمع عيني فوق خدي غيث وابل
‏لاسهرت اقلّب الماضي وشريطه

‏بالوفاء ضحيت لكن بالمقابل
‏جرحي المفتوق منك! من يخيطه

‏تغرسن حبه وتحصدني سنابل
‏ منت لاقي مثل همسك بالخريطه

....

دام قلبي لك سماضم السحاب
‏في ضلوعي تشرق وغيرك غرب

‏لو ابحسب فيك بيضيع الحساب
‏اَنت واحد لكن بقلبي عرب

....

كيف راحت يابو تركي حياتي شقاوي
‏وين درب السَّعاده والحياة الهنيَّه

‏ليت لأهل الهوَى والحب قاضي دعاوي
‏كان أبشكي عيون الَّلي فراقه خطيَّه

....

هلا فيك ياروح الغلا والوله منقاد
هلا فيك من نفس ٍ من البعد مكتوفه

هلا فيك تبقى للهوى والعشق وقاد
هلا والغلا في داخلي ضاعت وصوفه

ياغاية حبيب ٍ هام بك يوم ربي راد
عرفنا الغلا منك والأسباب معروفه

....

‏ماحد يشق القلب من غير تفكير
‏حتى الأطباء ترتجف ثم تحتار

والحب شَق الجوف من دون تخدير
وبَناء قصور بداخل القلب وانهار

هذي حقيقة قلتها صدق تعبير
وأرسلتها في جهر فعلي والاسرار

....

مني لك الحب وإخلاص ومني لك
حرف ٍ ابجمعه منك وفيك وأقرالك

إني بلا شعور آجي وأروح وأمشي لك
بالشوق وأموت وأحيا فيك وأحيالك

إن شفتك أدعي وإذا ماشفتك أدعي لك
الله يحفظك في حلّك وترحالك

....