اخترنا لكم شعر نبطي وفصيح

كل الحكم يالعاليه في حروفك
بدع الجزايل ما يفارق خيالك

الصبر مفتاح الفرج لا يطوفك
والله ولي العرش عالم بحالك

ولا البشر لا قل مالك يعوفك
وان كثر مالك يحسدك في حلالك

.....

‏خلك قوي العزم واكتم ضروفك
لاتشتكي للناس لو قلْ مالك

اطلب ولي العرش وارفع كفوفك
مانته بها الدينا بهمٍ لحالك

لو الثقايل مال منها كتوفك
صبرٍك على دنياك هو راس مالك

.....

ريّح ضميرك من تفاكير الاحوال
محدٍ خذاله رزق ماهو بمقسوم

.....

‏الاخوة تجاره والتجاره حصيل
نوب تربح ونوبٍ اخر تدور نجاه

لاتخاوي ذليل ولاتخاوي بخيل
ماورا خوة الرديان مكسب وجاه

.....

‏لاتحْسَب انك تخدع الناس بالهرج
الناس تَعْرف كل صادق وكذّاب

الكذب يلقى صاحبه موقفٍ حرج
والصدق نور ومن مشى فيه ماخاب

ولاخير باللي يتْبَع العوج والعرج
من عاش بالحيلات يخسر ولا طاب

خلك رفيع الشّان عالي كما البرج
وقدّر كلامٍ قلت واحْسَبْ له أحساب

.....

‏بعض العتاب يذبحك من دون سكين
لا جاء عتابك من غلا القلب والروح

أبعتذر مرة وعشرة وملاين
وان كان لى ذرة غلا قول مسموح

لا والذى انزل تبارك وياسين
واللى كتب غيب المقادير فى اللوح

ما كان قصدى ومن خلقنا الطين
أبيت ليلي وانت تسهره مجروح

.....

‏الصبر زين وتالي الصبر الافراج
وخلك على درب التصبر مبادر

واليا تصافق حلم قلبك بالامواج
الله على تحقيق الاحلام قادر

سبحانه

مهما جرى قلبي معك دوم يرضيك
وأنا على وعدي معك دوم أوفـي

إن غبت عن عيني فحلمي يلاقيك
وإن جيت لي يا فرح عمري وكفّي

يا روحي اللي بالهوى ما يخليك
ما لي سوى حبك ولا غير يكفـي

.....

ياحبيبي والقصايد ماتسلّي
والمدى شف وجهه المرتاب ليّل

فيه غصنٍ ذابل وشِعر وتجلّي
وفيه قلبٍ مايملّ وضحك عيّل

للصباحات القديمة جيت كلّي
جيت أفتّش عن صباحٍ لي مهيّل

وأغزل الماء في يدّي وأركض وأهلّي
‏وأتحادى وأهتف أهتف ياغزيّل

.....

أبشرك طيّب ومستوية أموري
ونواقص الناس مافكرت أرقّعها

لا جاتني الكلمة اللي تجرح شعوري
عرّضتها الريح ولا كني أسمعها

.....