فوق هام السحب ( الشعر الشعبي) على متن القوافي

لغز ....

انشدك عن رغدا جميله مستقله ساهره
عفرا اجتماعيه سياسيه طبيبه ما تنام

بيضاء رياضيه مثيره حاتميه شاعره
جلبابها الاخضر بيتكلم من البهجه كلام

حروفها بالابجديه في سماها ظاهره
سبعه ولو بالانجليزي تسعه احرف بالتمام

إذا عرفت الاسم والبنت العنود الساحره
اهديك من باقات تقديري حفاوه واحترام

....

يانفس بالحب بالله لاتذليني
كوني عفيفة وراياتي تعليها

حب الغواني أنا ما أريد تبليني
وهامتي الشامخة فيها توطيها

حبي لمحبوب قلبي بس يكفيني
بهجة حياتي وروحي هو سكن فيها

مافيه غيره قمر يملأ نظر عيني
وبسمته تسوى الدنيا وما فيها

حبه بدمي وفي مجرى شراييني
هو امنياتي الذي قلبي تمنيها

ماريد غيره بقربي يا محبيني
ولا مداوي لأجراحي يداويها

وحده حبيبي الطبيب اللي يداويني
من كل علة ونار الشوق يطفيها

إن كنت بردان ب أحضانه يدفيني
وأن كنت عطشان يسقي الروح وارويها

ما اخون عهدي وأنا ثابت على ديني
حتى ولا الشرع حلل لي أثنيها

لا نجمة الهند واسنطبول تغريني
ولا خليجية أو شامية توازيها

من مثل خلي سيسعدني وهنيني
حطه بعيني ورمش العين اغطيها

محبوب قلبي قمر يضوي سماء كوني
روحي فداء له وهو لي الروح يفديها

....

من شد على يدك حذاري تخليه
ولو فلتوه النـاس حطه بقلبك

ولو طال وقتك إحذر إنك تعاديه
ولا تجحد المعروف ان خفت ربك

الشخص يسقط حين تسقط مباديه
وأنته تـأكد من طريقك ودربك

مش لجل تعند وأنت غلطان تمشيه
إحسب حسابك بين شرقك وغربك

واختار لك بين البشر من تخاويه
تلقاه في ضيقك وسلمك وحربك

....

أنت الكفوو اللي يعرف المواجيب
والمحزم اللي بالمواقف نعده

ألطيب فيك ومنبع الطيب منشاك
وذكرك يعز ويرفع الراس طاريك

....

‏رافقت لي ناسٍ على الطيب يمشون
هم الاصل والـطيب هم الفخامه

طيب اللقى بصدور رحبه يهلون
ومن رافق الـطيبين يكبر مقامه

عن الكلام الشين حشمه يصدون
بعيونهم توصيف طبع الشهامه

بقلمي

‏شربت من صافي غلاڪ وحنانڪ
حتى وصلت لمرحلة عشق وادمان

ملڪڪ خفوقي وانت سيـّد زمانڪ
وفي ذمتي بالذوق مامثلڪ إنسان

....

‏يالله صباح العطا والقرب والطاعة
‏يامالك الجود يامعطي بلا منّه

‏عفوك بعبدٍ لشوفك كثرت أطمآعه
‏يبغى يفوز برضاك ويدخل الجنّة

....

‏يامن وجودك في حسابي ضروره
‏لولا وجودك في حسابي حذفته

‏اشوف روحي فيك في كل صوره
‏وليتك تشوف اللي انا فيك شفته

....

ودّعوني كل مايسرق الشمس الغروب
‏المسا يحتاج عُزلة ونظرة عن كثَب

‏اتركوني كلّي بصوب والعالم بصوب
‏وارفعو عن طيش الاقلام والفكر العتَب

‏هاجسي كنّه يدور على باب الهروب
‏مايريّح لين ما ألقى على المطلع سبَب

‏عاد انا اللي كل ما طالت طوال الدروب
‏ماتحد ركاب صبري على ثني الركَب

‏كل ماعيّت تهيّا تباشير النصوب
‏اتبسّم للمقابيل واصبر واحتسب

‏وأتغنّى فالمواعيد ياخضر القلوب
‏لين اقرّب كل صدفة يميّلها الطرب

‏ياهنوفٍ دونها العمر ماهو بمحسوب
‏الزعل تبّت يدينه وما جابت وتبّ

‏أقبلي مثل الهمايل على القاع الجدوب
‏وأوقفي لين أسرق النوم من شّط الهدب

‏وانثني مثل الخزامى ليا هبّت هبوب
‏وإثبتي مثل المواثيق مابين العرب

‏وإقلطي لاجابك الشوق فالصدر الرحوب
‏وهزّي جذوع القريحه تساقط لك كُتب

‏وعاتبيني كان ما ألبستك من الودّ ثوب
‏وإعذريني لو تماديت في ساعة غضب

‏والله إن ماني على كيّة الحب مْغصوب
‏مير ماعيّنت مثلك على الكون الرحب

‏لك كلام اعذب من الما ولك صوتٍ عذوب
‏يشهد الله كنّه العافيه عقب التعَب

‏ولي خفوقٍ عن محبّتك عيّا لايتوب
‏جنّته وصلك وفرقالك سوء المنقلب

....

التجربه تعطيك فكر وسياسه
‏من كان عنده تجربه*تنحسب له

‏والقل كل الشر من تحت راسه
‏لويقنع*المخلوق باللي كتب له

‏بعض المشاكل حلها بالفراسه
‏لاشان وجه الوقت وامتّس حبله

‏يضيع فيها فيلسوف الدراسه
‏ويحلها لك شايب ٍ يتبع ابله

....