اخترنا لكم شعر نبطي وفصيح

🇸🇦 🇸🇦
بعنا العَمار ولعنبا اللّي مايبيعون العَمار
دون المليك ودون عز الديره وحدّانها

واللّي جهل ويش السعوديين قل له بإختصار
قومٍ ماسرّك حال من عدّوه من عدوانها🇸🇦

ملامحك شي وضحكتك رحلة استجمام
‏كلامك حياة وصوتك يرتب اوراقي

‏لعب بي غرامك لعبة الغصن والانسام
‏على قمة الي قمته تتعب الراقي

‏عسى عيونك اللي بين الاغضاي والسلهام
‏مايجذب نظرها الا سَحابي وبراقي

.....

في وصوفك شي ياخذني بعيد
في جمالك كون ينبض بالحياه

في عيونك سحر يجعلني سعيد
في عيون الناس قلبي مالقاه

أنت قلبي وانت شريان الوريد
في جمالك شفت كوني يا حلاه

لاتقول اني أبحث عن جديد
كيف ابحث وانت حبي من صباه

من يسيب الورد والحب المجيد
مع هبوب الريح يغمرني شذاه

انت حبي وانت أسباب القصيد
وانت نور القلب لا شع بدجاه

.....

ودي اكتب والقلم عيـّـا يطيع
ما ادري الأشواق والا انت السبب

كيف اعبر والحكي مني يضيع
اسعفيني يا قواميس العرب

.....

ممشاه بالمعروف وطيب التدابير
يـزها عـلى الـعليا ولا شـي يعيبه

كـريـم نـفس وفـيه زيـن الـتعابير
الـطيب والـمعروف مـعطيه هيبه

.....

‏على اتفه سبب تزعل ولا ادري اجيك منين
‏أحدى وانا اللي ما اذكر احد تحداني

‏علشان ما تزعل وتشره علي بعدين
‏تأكد منْ اللي راح فينا ونسى الثاني

.....

أبشرك سكرت من دونك الباب
‏ما عاد يشملك السكن والضيافه

‏إسلم وسلم لي على كل من غاب
‏الخاطر إليا عاف له شي عافه

.....

‏عسى الله يوفقنا بفضله لما يرضيه
‏ويصفح ويرحم ضعفنا ويعفى عنا

‏دعينا كريم مايخيب رجاء دآعيه
‏وعلى اللي عليه ارزآق خلقه توكلنا

سبحانه

‏في صدري علوم واسرار وضجيج وكلام
‏والله لو انه بحر ماقد رست باخره

‏البحث لازال جاري عن شعور السلام
‏اللي نسيمه عليل وطلته فاخره

.....

فلا تغرّكَ عينايَ التي امتَنَعَتْ
عن البكاءِ فدمعُ القلبِ مُنهمرُ

.....