فوق هام السحب ( الشعر الشعبي) على متن القوافي

الصاحب الي تل قـلبي وبه هـمت
وبسبته مـانمت باليـل سهـران

يمكـنك انـي بالمـحبه توهـمـت
والي يتوهم يصبح اليوم خسران

‏زرعـت فـي قلبـي غـلاك وتمكنت
‏وأول حصادي منك صده وهجران

‏دنيـاك ماتسـوى على غيبتـك أنـت
‏يـامـولــع بـالقلـب حسـره ونيـران

....

عود لسانك على الإخلاق والحكي القليل
الوقت تغيّر والناس تبحث ورا الزله

حاول ما تخلي مع البّشر وقتك طويل
قلل حضورك وطول من القعده في العزله


....

‏حي العيون الناعسات الكحيله
الي سهوم الموت داخل هدبها

من صابته يسهر ثمانين ليله
ويمكن تجيه منيته من سببها

....

‏يا قلب لا تنجرح وفر لي احساسك
‏انا ادري انك تجي دايم على النيه
‏
‏لا لاتفكر تشيل الحب من راسك
‏كل العلاقات هاليومين وهميه

‏الله اللي حط في قلبي غلاك
والله اللي ميزك دون البشر

لو طلبت العمر ياعمري فداك
انت بس اطلب ويفداك العمر

....

‏ياملـيح الوجـه مـنحـول الـخـصـر
واجب احصّـنـك واسـمـي عـلـيـك

بانـي الـك داخل اعـمـاقـي قـصـر
بأعذب احساس الـمحبه يحتويك

وتسـبق انفـاس الغلا لمـح الـبـصر
المــنافـذ كـلـهــا مــنّــك وإلــيـــك

....

أقـرب لـ قـلـبي يالـغـلا مـن ضلـوعـي
واقـرب من الاهـداب لجفـون الاعـيان

حـبــك ابــد مـالــه بـالانــواع نـوعـي
يجـري بـدمـي لـيـن حــزات الاكـفـان

قـربك عـلاجي عن جميع الوجـوعـي
وانـتي سـعـادة خافـقـي كـل الاحـيان

....

‏انـت حتى لو معـي ظالم و جاير
‏راح اطــوف كل زلـه واتغاضى

‏وان زعلنا من بعضنا ما انت طاير
‏بنتواجه ونتعاتب ونتراضى

....

اشتقت لك يا راحة القلب والروح
واشتقت اسولف لك عن الحب وينك

الشوق لجلك داخل العين مفضوح
ليتك تشوف شوق عيني بعينك

....

أبوح بالشوق والقلب موجوع
واهتف باسم الغلا وأقول وينه

وينزف الجرح فيني آهات ودموع
وانقطاع الوصل مازال بيني وبينه

مازلتي مصدر إلهامي وبحبك قنوع
ولي قلب عاشق فيك ياحلوه وزينه

....