اخترنا لكم شعر نبطي وفصيح

‏ياشـاكي هـمـك عـلي غـير مـولاك
‏غلطان لا تـشكي على الناس همك

‏الناس معك احيان واحيـان تنساك
‏والله معك من قـبل تحمل بك امك

.....

يا كل حاجه لي قرار الا انت مالي بك قرار
‏أفرغت لك قطعة من اقصى الروح محد طبها

‏فأن شفت روحي تنتظر لقياك وتموت أنتظار
‏خذها بيدها واقفل عيونك عليّ وخبها

‏ما اعاد ابي من لذة الدنيا بياض ولا سمار
‏غير أنت يا أخر من تعدى فالحدود ونبها

.....

‏تحيابك اشياء قبل تموت في حـبك
‏بعض المشـاريه والتفـكير والهقـوه

‏أبسئلك شي بس ترد في ربك
‏ما تذكـر إني نقيتك بـالغلا نقـوه

.....

‏من عطاك الحب من قلبٍ صدوق
رد له نفس الشعور وبادله

خلك اللي في عهوده ما يبوق
وخل نفسك بالمشاعر. عادله

دام هو يغليك من دافع وشوق
بالكلام اللي يحبه عامله

خل عندك بالتعامل كل ذوق
ومن سعالك بالخطا لا تجامله

.....

‏ما كل من يضحك سعيدً بدنياه
وما كل من يبكي دموعه حزينه

احدن بكا و الكل يدري عن بكاه
واحدن مع الضحكة تحس بونينه

.....

لا ترخص احساسك وتجرح شعورك
وأحـذر مع القاسى تلين جنابك

من لا يموت من الفرح فى حضورك
خله يموت من القهـر فى غيابك

.....

‏اذا انشدوك الناس إحرص على " الميم"
"مَ شفت ، مَ سويت ، مَ قلت ، مَ دري

.....

‏أبـشـرك يـاسـالـم الـحــال سـالـم
بفضل ربــي والـنـوايـا السليمه
ً
الـعـمر فسحــة والليالي غــنـايم
والـعـافـيـة ياسـالم اكـبـر غنيمه
ً
والنصـر حـلم الكـل والكل حـالم
والياس في كل الـمواقف هزيمه
ً
اهل الـمكـارم يـزرعون الـمكـارم
واهل الشتايم يحصدون الشتيمه

.....

‏لـيـتـني وايــاك يـا روح الجمـال
نلتقي في حضرة الوقت الجميل

والمشــاعـر بيننـا عذبـه زلال
والغــلا بقـلوبنــا ما لــه مثيــل

بيننــا للشـوق فــزه واشــتعـال
والوفـا بارواحنــا عمــره طويـل

لك انـا يـا فرحـــة ايامي ظــلال
وانت لي يا مالك احساسي دليل

.....

أمرُّ على الديار ديارَ ليلى
أقبّل ذا الجدارِ و ذا الجدارَ

وما حبُّ الديار شغفنَ قلبي
ولكن حبّ من سكن الديارَ

مجنون ليلى