ديوان قصائد لشعراء المملكة العربية السعودية (متجدد)☘️☘️

قصيدة كل الأسى سوف ننساه
الشاعر: أمل العيسي أمل العيسي
#العصر الحديث
#المملكة العربية السعودية
0
47 مشاهدة

مهما تطاول ليل اليأس في زمنٍ

وهدت القلب أحزانٌ تغشّاه

وآلمته وزادت من توجّعه

حتى نراه كأنّا ما عرفناه

يوماً سينبت في أعماقنا فرحٌ

ونستظل به مما لقيناه

ويبسم الثغرُ والعينان ضاحكة

كل الأسى يا رفاقي سوف ننساه

قصيدة أحلامنا المتلاشية
الشاعر: أمل العيسي أمل العيسي
#العصر الحديث
#المملكة العربية السعودية
0
47 مشاهدة

هي الأحلام ننسجها ونمضي

ونسرح في خيالات التمني

" وماذا بعد أحلامٍ تلاشت"

سوى حمد الإله وحسن ظنٍّ

فننقض غزلها ونعيد أخرى

موشحة حوت من كل فنِّ

لعل الله يأذن باقتراب

لعل الله يكرمنا بمنِّ

قصائد الشاعر غازي بن عالي





غازي بن عالي الشمري شاعر سعودي يسكن في الرياض بدايتي الفعلية في عام 2001 شاركت في بعض المناسبات كـ الزواجات وغيرها نشرت بعض المقتطفات من شعري عبر مجلة الوجد الكويتية تحت إشراف المعد الشاعر القدير عبد الله سماح المجلاد. حصلت على بعض الدروع التذكارية من بعض الجهات الحكومية.

قصيدة ياغايبه عن شوف عيني فقدتك
الشاعر: غازي بن عالي غازي بن عالي
#العصر الحديث
#المملكة العربية السعودية
0
522 مشاهدة

الحب وشو دون صوتك وطاريك
ياغايبه عن شوف عيني فقدتك..!!
قلبي يسولف لك وعيني تناديك
وفي غيبتك مايوم خنت وخذلتك..!!
قلبي حياتي منوتي كيف اخليك
وانتي معي حبن بروحي نقشتك!!
اعشق وجودك ياحياتي وأداريك
خايف تغيبي لو ثواني تركتك..!!
ماظنتي ب ألقى بديلٍ يساويك
وماظنتي انساك دآمي عشقتك..!!
اهواك كلمه بالهوى ماتوفيك
تبطي معاني الحب تكتب وصفتك..!!
تعال شفني في غيابك آحاتيك
مشغول بال وفرحتي لا وجدتك..!!
وانا بدونك حالتي حيل ترجيك
في كل يوم وكل لحظه ذكرتك..!!
كنت الفرح والحلم دايم يطرّيك
وعلى كتاب اشواقنا كم كتبتك..!!
غبت وتركت العين بالدم تبكيك
ومن دم عيني لاطريتك شربتك..!!
هذا انا للحين.. قلبي يناديك
ليتك تحس بحالتي لا فقدتك..!!

قصيدة كيان الروح
الشاعر: غازي بن عالي غازي بن عالي
#العصر الحديث
#المملكة العربية السعودية
0
425 مشاهدة

سألتك ياكيانن ساكنن في داخل الأعماق

علامك.. مبعده.. عني ضلوعي حيل بردانه

تعالي يانظر عيني.. انا في داخلي مشتاق

أسولف بك على.. نفسي تقول اليوم ولهانه

الا يامهجتي..لدي كذا..حالي وصوف إدقاق

نشف جلدي على عظمي من التفكير ومعانه

كتبت احساسي الذابل على طيفك مع الاشواق

وانا ادري حبك.. ابروحي ثقيلن حيل ميزانه

وانا ادري يابعد حيي غلانا داخله ميثاق

أغني بك تغني بي قصيده.. زانت ألحانه

أناظر بك.. سما فكري مخيله دايمٍ براااااق

مطر روحي على برقك يخيل الغيم وأمزانه

تنقى بك حنيني حب وعشعش داخل الاحداق

تزيّن شوفك.. ب عيني.. على لولك ومرجانه

على بحرك سفن روحي تناجي حزة الاشراق

لجل لا بان لي صبحك عشقت الصبح وألوانه

وأنا كلي فدا روحك.. حبيبي والجفى حراق

الى منّك.. هجرتيني.. يزيد الشوق.. نيرانه

هِنا.. عمّرت بك داري هِنا شمّختك الآفاق

هِنا حبك وطن روحي حنين إعضاي سكانه

قصيدة لآ مآ نسيتك وإنت أعظم خطآيآي
الشاعر: غازي بن عالي غازي بن عالي
#العصر الحديث
#المملكة العربية السعودية
0
404 مشاهدة

تعال ناظر في عيونك حلاياي
شوف التعب والضيق سيمة شعاري
طال الغياب وزاد همي وبلواي
يومك تغيب وتتركن ل حتضاري
لآ مآنسيتك وإنت أعظم خطآيآي
انت السماء والكون وآخر مداري
دامك مطر يسقي شعوري ولاماي
إنبت غصونك حب تسكن دياري
فقير انا مابين ضحكي ومشكاي
فقير والحاجه نوت ب انتحاري
اسكن ربوع التيه والضيق ملقاي
تزرع يميني همَّ تجني يسآري
الله أكبر كيف تنسى سواياي
وتترك خفوقي دون رد اعتباري
من قبل اعرفك كان هالضيق ملفاي
ضايع ادوّر في ربوعك مساري
وخليتني في ضيقتي ألثم اشياي
واقف ألوّح ل الأمل وانتظاري
وتعزفني العبره على جرة الناي
اللي عزفته لين.. يظلم نهآري
تعال ناظر في عيونك حلاياي
شوف التعب والضيق سيمة شعاري

قصيدة غصّه
الشاعر: غازي بن عالي غازي بن عالي
#العصر الحديث
#المملكة العربية السعودية
0
384 مشاهدة

شفت التمعن في وجوه الغريبين

بالضبط لامني تحسيت غصه

البارحه سهران ماغمضت عين

أكتب على بيض العبارات قصه

مضمونها طفلٍ يقاس الامرين

سيناريو ب إحساس كاتب ونصه

دوره غريبٍ مالقى موطن إيبين

في مسرح التأبين وسط المنصه

جيت بشهر آبي على حلم تشرين

فالدرس الاول يشرح إستاذ حصه

تهت بزمن خلى الغلابى مساكين

واللص صار اليوم.. يفخر ب لصه

تجمعوا.. بالذل.. ناسٍ بغيضين

وإغراب بين.. اليوم كلٍ يحصه

نكتم على ماقيل لجل الضعيفين

ونسكت خجل من زود زايد بحرصه

ممنون للغربه.. شتات المحبين

شطري ضياع وضيّع الفكر نصه

هي.. اُمنياتٍ.. ماتبي زود تخمين

حطت بجوفي من عنا الضيق غصه

قصيدة غصّه
الشاعر: غازي بن عالي غازي بن عالي
#العصر الحديث
#المملكة العربية السعودية
0
383 مشاهدة

شفت التمعن في وجوه الغريبين

بالضبط لامني تحسيت غصه

البارحه سهران ماغمضت عين

أكتب على بيض العبارات قصه

مضمونها طفلٍ يقاس الامرين

سيناريو ب إحساس كاتب ونصه

دوره غريبٍ مالقى موطن إيبين

في مسرح التأبين وسط المنصه

جيت بشهر آبي على حلم تشرين

فالدرس الاول يشرح إستاذ حصه

تهت بزمن خلى الغلابى مساكين

واللص صار اليوم.. يفخر ب لصه

تجمعوا.. بالذل.. ناسٍ بغيضين

وإغراب بين.. اليوم كلٍ يحصه

نكتم على ماقيل لجل الضعيفين

ونسكت خجل من زود زايد بحرصه

ممنون للغربه.. شتات المحبين

شطري ضياع وضيّع الفكر نصه

هي.. اُمنياتٍ.. ماتبي زود تخمين

حطت بجوفي من عنا الضيق غصه

قصيدة يوم الرفاقه لوحت لي على الكمْ
الشاعر: غازي بن عالي غازي بن عالي
#العصر الحديث
#المملكة العربية السعودية
0
361 مشاهدة

الله على شاهي حمر كنه الدمْ

امخدرن يطرب عليل المزاجي

يروّح الي من عنا الضيق منّهم

لا بانت اهمومه بيان الزراجي

مايسلم الي في ضميره تسلّمْ

مابان لو بيّن كثير احتياجي!!

مترادفات بضيقها يوم تقدمْ

خلت عليلٍ طول ليله يلاجي..!!!

النور في عينه غدى حيل معتمْ

واليا اثلث الليل المسمى يناجي

يطلب كريمٍ رحمته دايم تعمْ

لا قلّة الحيلااات ب ليل الدياجي

ومن عقب هذا ياقصيدي تحزمْ

عقب الثلاث شهور قفى خلاجي

يوم الرفاقه لوحت لي على الكمْ

ماها قراحٍ مايجي له هماجي..!!

من دونها الزيزوم للطيب مقدمْ

حرآ كسب من ماكر الطيب تاجي

ماتنزحه صكات بقعاء اليا همْ

على البطوله ضاريٍ مايهاجي!!!

طيب المراجل ياسعد يوم يدحمْ

تقصر اشبورٍ للخِطى ماتداجي..!!!

حي الرفيق اليا طلبته عطى تمْ

ماحسب الصعبات طلق الحجاجي

هذا الرفيق وفعل غيره فلا همْ

يطيب ف الشدات والغير لاجي..!!

قصيدة ياضيق صدر الشمري وانت غايب
الشاعر: غازي بن عالي غازي بن عالي
#العصر الحديث
#المملكة العربية السعودية
0
360 مشاهدة

ياغايتي ومناي قلبي يناديك
لا افقدك وابكيك دمع ونحايب
ياغايتي والقلب يرجيك يرجيك
رجوى السقيم الي فقدله طبايب
العام كنتي حلم اكتبك وامحيك
واليوم مثل العام كلك نشايب
حال الفقير الي غدابك ويبغيك
ماهاب من ضيقه ولا صار هايب
ماعلمه فقره يخونك ويشقيك
اصيل ماتجحد عيونه حبايب
شمالين يهوى بروحه ويفديك
طنيان راسه لو دونك حرايب
يمطر عليك الوصل بأبيات وتجيك
ممزوجةٍ بالطيب مثل السحايب
ياغايتي وإن كان هالبُعد ينجيك
انا على لقياك.. ماني بتايب
قد قلتها مبطي وارجع اخليك
تسمع لقولي دون حق وطلايب
ضاق الفضا وانا بروحي احاتيك
ياضيق صدر الشمري وانت غايب
خلك على فرقاك تبعد وانا ارجيك
وابكيك حتى يصبح الدمع ذايب
عبارةٍ قد قلتها في معاليك
منها جروح الفقد فيني عطايب
الشوق والفرقى ولقيا موانيك
وسفن الوصال الي خذتها الهبايب
كنا قبل عامين نرجيك نرجيك
واليوم من رجوآك ذقنا المصايب
ياغايتي ومناي قلبي يناديك
لا افقدك وابكيك دمع ونحايب