بـوح الـقـصيد للشعراء الأعضاء يختص بالشعر الغير منقول للاعضاء المسجلين |
![]() |
|
أدوات الموضوع | إبحث في الموضوع | انواع عرض الموضوع |
![]() |
#6791 | ||
أداريه سابقه ومراقبة عامه للمنتديات
![]() |
![]() قصيدة اغفى معك
الشاعر: غازي بن عالي غازي بن عالي #العصر الحديث #المملكة العربية السعودية 0 251 مشاهدة لا ياشهد لاتزيدي البُعد بُعدين بُعدً خذاك وبُعد.. دمر.. ظنينك لا ياشهد همي غدا وسط ضلعين يطعن خفوقي.. كل ماقلت..وينك ومرتاح لين اغمضك داخل العين تغفى معي واغفى معك وسط عينك واجيك ملهوفٍ على ضمتك لين يحيا بك اللي.. بالغلا.. لك رهينك واشتاقلك يامهجتي شوقً يبين في داخلي بانت.. مواري حنينك ياروح روحي لا تقولي على وين وانا.. من الحرمان.. كني سجينك ومادامك انتي طفلتي لا تغيبين طاري الغياب اليوم يجرح ظنينك
|
||
![]() |
![]() |
![]() |
#6792 | ||
أداريه سابقه ومراقبة عامه للمنتديات
![]() |
![]() قصيدة مرثية جدي اخو غزوه
الشاعر: غازي بن عالي غازي بن عالي #العصر الحديث #المملكة العربية السعودية 0 251 مشاهدة يوم إن اخو غزوه تناخت ركابه وأقفى عن الدنيا كريمٍ ومحمود أعلنت عقبه في جليل المهابه دموعٍ تداحم داخلي كنّها حشود وا جرح قلبٍ مايفيد الدوا به على عزيزآ راح ماهوب موجود بداح دونك مابدى وابتدى به شعرآ كتبته واردٍ به على عدود جودٍ تعدى.. حق.. ماهو غرابه ساسٍ لنا عزآ على الطيب معهود ابو الرحم.. ابو الهلا.. ومرحبابه ابو الكرم والناس في فعله شهود ابو الحميا.. لا غدت ب القرابه يدحم لها جودً على كل ماجود مرحوم ياجدي عدد ماطرى به قلبٍ بكى من فقد الاثنين ملهود تطرى ويطري مع نسيم الهبابه واهيم لاذعذع على ذكرهم نود امرآ.. محتّم.. مالنا ب اجتنابه والحمد لله.. ب الرضا دايم نزود جيران صاروا حق ماهو تشابه هاذي منازلهم اليا قلت مقصود يالله عسى لي دعوةٍ مستجابه في جاه ربٍ.. للمخاليق معبود
|
||
![]() |
![]() |
![]() |
#6793 | ||
أداريه سابقه ومراقبة عامه للمنتديات
![]() |
![]() قصيدة جانيه
الشاعر: غازي بن عالي غازي بن عالي #العصر الحديث #المملكة العربية السعودية 0 243 مشاهدة لا تسولف عن جفاك ولا تقول كلهم يدرون إنك جانيه شوفي جرحي والمواجع والذبول وسيف هجرك فالضلوع الحانيه انتظرتك حول وشهور وفصول وطول صبري من التعب اشقانيه السما ضاقت علي عرضٍ وطول كيف انولك بس لو هي ثانيه كيف اطولك في سما فكري واجول فاردٍ لك باللقا جنحانيه اوف ياحلم الليالي ويش اقول؟ وزود هجرك زاد بي احزانيه شوفني في غربتي دوم معزول انسجك ب إحساس وسط أوزانيه اكتبك وأموت بك سحر وذهول فيك شعري تعزفه قيفانيه فاخره ب الوصف وصفك عيطبول جنةٍ والنفس فيها هانيه من بديع الذوق يابنت الاصول امطري واحيي جميع اغصانيه عاشقك يابنت من حظه مخذول لا تزيدي بالقسى خذلانيه شوفي جرحي والمواجع والذبول وسيف هجرك فالضلوع الحانيه
|
||
![]() |
![]() |
![]() |
#6794 | ||
أداريه سابقه ومراقبة عامه للمنتديات
![]() |
![]() قصيدة شاعر ولي بالشعر وقفه وجمهور
الشاعر: غازي بن عالي غازي بن عالي #العصر الحديث #المملكة العربية السعودية 0 242 مشاهدة يافجر حرفي إبزغ اليوم بالنور حتي تبان الخافيه والحقيقه كاس الالم من رشفته كان ممرور علقم شربته فوق مالآ اطيقه المُر فكره والبطل كان ديجور سموم حلم البُعد زفره وضيقه ياسيدي شعري مسافاته إدهور بين الجنون الي عثا في طريقه وردي عثابه صاحبٍ يشري زهور فاحت مواجع غربتي من رحيقه مده وزن يعزف عبارات وإشعور من نزف نبع الشوق جمّل بريقه ماكنه الا دمع بالروح محصور يشعل جنون الذكريات العتيقه وماكني الا شخص مُنهك ومكسور بعين الموجع لا عيون الخليقه يبطي يهين الشمري علم مسبور لو شبوآ الغِيبات نار وحريقه شاعر ولي بالشعر وقفه وجمهور والي نهق! يسمع صدايا نهيقه فوق المعالي ياشعوري على النور إصدح على وضح النقا بالحقيقه
|
||
![]() |
![]() |
![]() |
#6795 | ||
أداريه سابقه ومراقبة عامه للمنتديات
![]() |
![]() قصيدة شاعر ولي بالشعر وقفه وجمهور
الشاعر: غازي بن عالي غازي بن عالي #العصر الحديث #المملكة العربية السعودية 0 242 مشاهدة يافجر حرفي إبزغ اليوم بالنور حتي تبان الخافيه والحقيقه كاس الالم من رشفته كان ممرور علقم شربته فوق مالآ اطيقه المُر فكره والبطل كان ديجور سموم حلم البُعد زفره وضيقه ياسيدي شعري مسافاته إدهور بين الجنون الي عثا في طريقه وردي عثابه صاحبٍ يشري زهور فاحت مواجع غربتي من رحيقه مده وزن يعزف عبارات وإشعور من نزف نبع الشوق جمّل بريقه ماكنه الا دمع بالروح محصور يشعل جنون الذكريات العتيقه وماكني الا شخص مُنهك ومكسور بعين الموجع لا عيون الخليقه يبطي يهين الشمري علم مسبور لو شبوآ الغِيبات نار وحريقه شاعر ولي بالشعر وقفه وجمهور والي نهق! يسمع صدايا نهيقه فوق المعالي ياشعوري على النور إصدح على وضح النقا بالحقيقه
|
||
![]() |
![]() |
![]() |
#6796 | ||
أداريه سابقه ومراقبة عامه للمنتديات
![]() |
![]() قصيدة يا هاجرتني
الشاعر: غازي بن عالي غازي بن عالي #العصر الحديث #المملكة العربية السعودية 0 241 مشاهدة مرّي علي جفت من البُعد عبرات أنا من الحرمان محتاج شوفتك فلي لي إحساسك مع الشوق نشوات هاتي شعورك بالغلا كاس صحتك بتنفسك بشعور عقب المعانات وأشهق غلاتك حب يسكن بغرفتك يغمر زواياها تفوح بعطورات صندلك مع عنبر نسايم فخامتك لا تزفريني واكتمي كل الآهات أنا لك البلسم على حلم راحتك ما دامك انتي مُلهمة جزل الأبيات دونك مرار الهجر هاتي حلاوتك فداك منهو لا عزف لك صباحات اليا سمع فيروز مع صبح قهوتك نسم هوانا من جميل العبارات وقامت عصافيره تغني لضحكتك يا هاجرتني ليه كثر الغيابات شوفيني الناطر على جال ضفتك شوفيني التايه بطول المسافات شوفيني السواح من شان صدفتك شوفيني العابر يغنيك بسكات مرساي حلمٍ يرتجي شوف طلتك يالطلّه اللي سحرها فالخورافات أسطورة إفروديت داخل إللياذتك تعبت أنا أرقب جيّتك فالمسائات ديجور ليلي ما تجمّل بسهرتك خلي لي الإحساس من دون عبرات جيتك وأنا ذبلان محتاج ضمتك
|
||
![]() |
![]() |
![]() |
#6797 | ||
أداريه سابقه ومراقبة عامه للمنتديات
![]() |
![]() قصيدة عندم الكاهن
الشاعر: غازي بن عالي غازي بن عالي #العصر الحديث #المملكة العربية السعودية 0 235 مشاهدة سريت إمن البقاع اللي تصدر واردين اسفار خذاني سرب من جنه تحشرج داخل انفاسي كبير الجن في ربعه اديب.. وعالمٍ.. بيطار خذاني جولةٍ فيها.. رهاب وصوت وسواسي يتمتم لي عباراتٍ.. معانيها.. طرايب.. زار نفث به ضيق زوّد بي برود وجمّد احساسي مشينا من عصير الوقت وليّل ليلنا الستار مسير الدرب والوجهه على.. تبريز تنقاسي ثلاث ليال مابين المسير.. وطولت المشوار تهاوت فرصةٍ لاحت على..النمرود والقاسي معالم في حضاراتٍ شرحها واحدن غدار على بابل على سومر قراها.. ب كف غرّاسي تزمل به زمولٍ.. يحملن من الثقيل اسرار جحافل والثرى مجدب فراغه بين الاقواسي تنهض به وسافابه.. وغنابه.. على الهكتار نفث به واحدن شركه شبيه بليس خناسي قبايل جن حطوبي.. وغاروبي جهة جلنار جليس الفرس خططها على حبري وقرطاسي على نبعه غرف شربه سقانا سلسبيل وطار إلى أعتى بقاع الارض.. دقت تالي اجراسي سكبت التمتمه بيدين منهو لاعطى بيسار نبيذ الوالي اللي صب كاسه في بطن كاسي كئيبه ليلة البارح على.. اللي يسمع الزمّار وشى به عندم الكاهن عقب ماهوب نخاسي تعوذت الكريم اللي حصونه.. قوة الاذكار من الشيطان واعوانه بلايس قومٍ انجاسي ابنهي قصة الغادر عسى يبقى لي التذكار كسبة رهان من خصمٍ عجز يكسر قوي باسي
|
||
![]() |
![]() |
![]() |
#6798 | ||
أداريه سابقه ومراقبة عامه للمنتديات
![]() |
![]() قصيدة حبن واحبك
الشاعر: غازي بن عالي غازي بن عالي #العصر الحديث #المملكة العربية السعودية 0 232 مشاهدة على هيام الشعر قد جيت مشوين آبي تحبن صدق.. ماهو كلامي حبن وأحبك وازهل العلم بعدين بتشوفني نبعك ليا جيت ضامي خلك بقربي لا توصي على شين ب روحي ألبي لك.. غلا يا غرامي آمر على كلي يجونك.. ملبين كلي عشق كلك وكلك هيامي ادري تحبن من قبل لين هالحين وادري بعد عن حبي اليوم كامي من خوف لا يدرون ناسً بغيضين اللي هدفهم عثرتي وانهزامي لا تخذلن يا سيد كل المزايين خذلان وصلك بالهجر حيل دامي البارحة والضيق زود بي البين سهران جفني عن لذيذ المنامي
|
||
![]() |
![]() |
![]() |
#6799 | ||
أداريه سابقه ومراقبة عامه للمنتديات
![]() |
![]() قصيدة غنا الغريب
الشاعر: غازي بن عالي غازي بن عالي #العصر الحديث #المملكة العربية السعودية 0 219 مشاهدة الليل بيّن وابتدى طاري الشوق والفاخره.. مابيّنت في حضوره عن لفحة المشتاق لاصار مخنوق في ليلةٍ فيها.. الذواري تزوره غنّا الغريب وبان في داخله عوق عن مايكنّه في.. خفايا شعوره وساعة نده تشكلت داخل الموق برواز وردٍ ياخذ.. الورد.. صوره وتذيّرت عن طلّة الليل ب فهوق ليلٍ تباريحه.. نفوسٍ.. غيوره ورقبت فجرآ ينسج النور ب رفوق نسايمه صبحٍ.. تنفس عطوره صبحٍ خذى من وجهها رونق الذوق وتنفسه.. ورد.. الصباح وطيوره وتنفسه من يكتب الشعر ب طروق لا من عزفها.. ينهمر في سطوره يكتب بها شعرآ نبع داخل عروق منها غدى صدري مشاتل إزهوره معشب غلا بالشوق تدلى به عذوق ومن داخل احساسي تغلغل جذوره ماعاد ودي اكتب الشعر وأذوق مرّ الغياب اللي.. حجب لي ظهوره احسن اغني في خيالي على النوق اتبع هوى.. نوقي.. على كل دوره شعر الخيال اللي خذا طاري الشوق خلاني اسلى مع..نسايم إحضوره
|
||
![]() |
![]() |
![]() |
#6800 | ||
أداريه سابقه ومراقبة عامه للمنتديات
![]() |
![]() قصيدة فقر وصندقه
الشاعر: غازي بن عالي غازي بن عالي #العصر الحديث #المملكة العربية السعودية 0 209 مشاهدة ياساس فكرة راس مايعرف الكاش فقره زرع من فكرته حلم كاشه لاماعرف وش يعني النوم ب أعشاش لامن حلم يلقى هيامه معاشه!!! ياموطني والحب في داخلي عاش صيغة ولاء ماهي سوالف دفاشه قم خط يافكري نُقط واحتسب داش مفهوم داشي مايبي له كلاشه..!! أعشاش تُبنى للفقارى على الطاش في صندقه والناس فيها نهاشه..!! سلطان يسولف شفت ويرد عماش؟؟ سيناريو في طاش لو زاد طاشه..!! يابشت من فضلك ترى حالنا ماش والحال ضاق وضيّق الحال جاشه!! في عشةٍ والسقف كلّه بلاكاش ومن تحتنا ارضٍ عثت به خشاشه!! نفرش كراتينٍ لنا واقي فراش؟ والموت لا منّا فقدنا الإعاشه..!! أحوالنا صارت على كف غشاش وجروحنا ماضمّده لون شاشه!!! من لحمنا ياموطني والقسى شاش منهو يحس بضيقنا وإنكماشه..!! ماعاد فيها كاش ياباغيٍ كاش؟؟ الكاش في ذمة هل الخير كاشه..!!!
|
||
![]() |
![]() |
![]() |
أدوات الموضوع | إبحث في الموضوع |
انواع عرض الموضوع | |
|
|
![]() |
||||
الموضوع | كاتب الموضوع | المنتدى | الردود | آخر مشاركة |
في السعودية.. عيون ونخيل بين شق جبلي تجري مياهه طوال العام ☘️ | شذى الياسمين | السفر والسياحة والرحلات البرية | 9 | 10-14-2021 07:31 PM |
كلمة للشاعر والأديب/ عبدالله بن زهير الشمراني بمناسبة اليوم الوطني ال (٩١) للمملكة العربية السعودية☘️🌹 | فتى بلاد شمران | ديوان شعراء قبائل شمران | 4 | 09-28-2021 02:42 AM |
يالمملكه،،الغاليه لك،،سلامات ☘️☘️ | ريحانة شمران | الشاعر / ابوعبدالله | 9 | 02-17-2021 05:56 PM |
رغماً عن كيد الاعادي ستبقين ذخراً وفخراً يابلادي ☘️☘️ | أبو شريح الشمراني | منتدى المقال | 3 | 02-01-2021 06:26 PM |
اليد البيضاء الحانيه دائماً ماتبدد الضلمه الحالكه ☘️☘️ | أبو شريح الشمراني | منتدى المقال | 5 | 01-15-2021 09:55 PM |