فوق هام السحب ( الشعر الشعبي) على متن القوافي

لاتبكين لامن غبت باليوم واليومين
ترى والله آن مـ اغلى من دموعك الا انتي

اهوّن على روحي معى كل ليه ووين
ولاهان عندي دمع عينك ولاهنتي

كبار الاسامي والبخت والجناب الزين
ماتقنعهم كبار المعاذير يابنتي


مبارك بن رادعه

ودك أنّ الآدمي لا طرق سمح الدروب
ما يعوّد لـ المكان المريب ولا يجيه

دسمان بن مناحي

خاطري داروه ياللي تدارون اليتيم
وان بكت عيني من الدمع لاتنهونها

ياعرب تكفون من كان له قلبٍ رحيم
كل نفسٍ صابها الحزن لاتقصونها

حالي اللي راحت اشجار وديانه هشيم
مبطـيٍ ن ما زيد دب الحيا بغصونها

لاجرى ماهــا ولا زيد حركها النسيم
مــن بطا الأمحال فيها تغير لونها

....

اول حياة الفتى مشوار وعساسه
مسافه في عجاج العمر يقطعها

وثاني حياة الفتى تدريب ودراسه
تصعب ظروف الحياه وينشغل معها


رشيد الزلامي رحمه الله

لاتحسب انك فالمواقف صتيمه
وأنك مع العربان راعي سياده

يوم انت سويت حفل وعزيمه
لو طبت مره ماتحمل زياده

تتعب يديك مع اليدين الكريمه
لاصار مال الطيب فالرأس عاده

سوات نارً ولعت في هشيمه
لو ولعت بالسرع ترجع رماده


مشعل عيد البقمي

من وصايَا رشيد الزلاميّ


خلك على صكات الايام صبّار
ويومٍ يفوتك لاتمنى رجوعه

كانك تصلي صلاتك بأمر ربي نجيت
من هول دنياء تشيب الروس من شيبها

اغنم ترى العمر فرصه واخر العمر ميت
الروح سلفه من الله وانت تدريبها

ولاتامن الوقت لو انك دلهت وسليت
تجر المقادير والله عالم بغيبها


سعد الجذع

وجودي وجود اللي حداه الزمان ودج
تهايق عليه الفقر مع سبعة أرواعي

الا وآهني اللي دله فالمنام وسج
لاطالب ولا مطلوب والوقت مطواعي

أخذ له زيارة للمدينة وصام وحج
وصلى هويّد الليل والناس هجاعي


مصلح بن عياد

رجال سوالفها نميمه وقيل وقال
ماترتاح في دنياك حتى تفارقها

طراة الرجال صدورها مغلقه باقفال
مايعلم بخافي سرها غير خالقها


مهنا السعدي

مجاراة
مـعرضه دنياك للنقص والزود
الا العمر مافيه نـاقص وزايـد
بن زابن


دنياك تاخذ منك بذلٍوومجهود
لكن مـنـهـا لاترجـى فـوايـد

خالد بن حميد