اخترنا لكم شعر نبطي وفصيح

هرج القفى في غايب الناس تالف
‏قلّت حيا وذنوب من دون قيمه

.....

أنتي الفارقه والنادره والثمينه
عاد أساميك واجد لا تقولين قلها

لا انثنى عودك الريان من زود لينه
كل زينه بعد زينك تعود لآهلها

.....

‏خل النوايا الطيّبه نصب عينك
‏واعبر طريقك لا مشيت وترفّق

‏حتى لوّ إن أهل الردا محتسينك
‏من أخلص النيّه لربه توفّق
‏
.....

فداك الصبح وأحلام الصغار وضحكة الأصحاب
‏وبيضان القلوب ولابس النيّات مقلوبة

‏فداك الشك لا صاروا لي اخوان السنين أغراب
‏وغابوا و كل قلبٍ يحرق اللحظات باسلوبه

‏تعدّى الجرح في صدري معك مساحة استقطاب
‏تحاليت الجروح وكل حاجة منك مرغوبة

.....

‏على كثر الجروح اللي بصدري ما عرفت اعتاد
‏يجيني الجرح ما كن له دروب بداخلي رحبة

‏وعلى كثر المفارق في الزمان بخاطري ما فاد
‏أنا للحين فيني من الموادع والحزن رهبة

.....

من استباح الضيق في وجهي وبهَّت صورتي
‏من غيَّب البسمة عن عيوني ومن طرّف بكاي

‏من علَّم شعوري الشعر يوم اختنقت بعبرتي
‏من رقّق يديني وحَدّد حرفي وقسّى حكاي

‏من ثقّل الكلمة على لساني وضخّم نبرتي
‏من طلّع من احساسي الناعم ومن ليني قِساي

.....

كل حبٍ غير حبك ينكشف لي زيفه
‏وكل طيفٍ غير طيفك مايهزّ إحساسي

‏وكل وجهٍ غير وجهك فالوجيه اعيفه
‏وكل صوتٍ غير صوتك ما يقنّد راسي

.....

أخاف أبين مدى حبك و تتّكبر
وأخاف أبين صبر قلبي وتنساني

.....

‏يانصف عمر الحياة ومبتغى نصف دين
‏من عاش بك حاضره ماخاف مستقبله
‏
‏يادعوه مستجابه من حدا الوالدين
‏يافرحة اللي ضحك حظه وطاب عمله
‏
‏مايَكفي العمر لو عشته معك مرتين
‏والعمر مرّه ولا يعتاض وانت أجمله

.....

يا حبيبي لا تناساني لو إنّك بين ناسك
‏إلهوى غلّاب و إلدنيا حوادثها ، شنيعه

‏ما شكيت إلا غلاك و لا حَطبني غير فاسك
‏ولو قطعت إلوصل ما قلت لك يا مال إلقطيعه

‏حط قلبي في عيونك لا بغيت تحط راسك
‏والله إن الصدر كله ضيق وعيونك وسيعه

.....