فوق هام السحب ( الشعر الشعبي) على متن القوافي

‏خلك على وضح النقا تكسب الناس
‏وان ما كسبت الناس راحتك مكسب

‏وكلٍ على جوه ويقدح من الراس
‏الناس كلٍ له طبيعه ومذهب

...

‏جيتك من أقصى الدروب وبكره مسافر
‏على مواويل يا دنيا من أنتي له

‏عطني من الوصل لو بروس الأظافر
‏إن شفتك اليوم ولاّ شفتك الليله

...

‏عن ضجيج الناس وأحداث اللّيال المستمرّه
‏ودّي أبعد عن مدى الأنظار لو إني لحالي

‏ما ورى كثر العلوم الدارجه غير التشرّه
‏يوم ترضي لك قريب ويوم يزعل منك غالي

...

‏حاربي كل الدروب المستحيلة
‏واجمعيني في ذراك وفي محلّك

‏سولفيلي يا حياتي كل ليلة
‏كل ليلة في حياتي فدوتنّلك

‏ليه مالي بالطويلة والطويلة
‏حقّها واجب من حقوق التملّك

...

‏قالو وطن قلت الوطن عالي الشان
‏بصدور شعبٍ باالولا مستديمه

‏قبلة بلاد العرب في شتى الأوطان
‏لمكه ودار اللي رضع من حليمه

‏والمجد والتاريخ والعز سلمان
‏ومحمد ولي العهدعزم وعزيمه

‏تسعين عام وفوقها الجهد مالان
‏عزم الملوك بعز تبقى حشيمه

دام عزك ياوطن

‏يا سيدي محتار من وين ابتدي
‏لكنني مشتاق والله العظيم

‏والشوق مهما جاد ماهو بأجودي
‏ما كنه الا الطيب من كف الغريم

...

‏لمع ضوّ القمر واثره عكس نور الضياء وطل
‏علي اجمل من اللي شفته بنوره ولا ادري كيف

‏اثر جفنه على رمشه جفير وسلّته لا سل
‏يذكرني بفتوحات وحكايا مالها توصيف

‏عجزت ألقى لمثلي حل من عنده لمثلي حل
‏ويفتي لي على النظرة فتاوي تقبل التحريف

‏انا ذاك الوحيد اللي عشق له في حياته ظل
‏وانا ذاك الوحيد اللي حلم بإنّه يعانق طيف

...

‏لاخير في الدّنيا لمن ضيّع الدين
‏لو حازها من برّها لابحرها

‏كم حازها قبله ملوك وسلاطين
‏واليوم رهن اعمالها في حفرها

‏عاشوا على ظهر البسيطة عزيزين
‏وتحوّلوا في بطنها عن ظهرها

‏ويوم الحساب ويوم نصب الموازين
‏كلٍ يحصد البذرة اللي بذرها

...

‏انت الوحيد المهم اللي بقربه تطيب
‏جروحي الواجده وهمومي الراهيه

‏قبلك يابعد الفرح مني وبعدك قريب
‏روحي معك بين مكتفيه ومتباهيه
‏
‏خطاك عندي قدا واعذارك اللي تجيب
‏احبها وادري انها كلها واهيه

‏اهم حاجه ما ياخذك الزمان وتغيب
‏وغيرك لو يروح جعل يروح في داهيه

...

‏يجهل الإنسان وظروف الحياة تعلم
‏والدروس موضحه لناس صوت وصوره

‏ والذكي يصبح لدورات الزمن متولم
‏ويتوقع دوم عكس الحاجة المذكوره

‏يمكن يمر الرفيق الغالي وما سلم
‏ وهو يدرأ خاطره ويقدره ويزوره

‏وينزع الله حكمة الدنيا من المتعلم
‏ويمتلكها الفاشل اللي يمسح السبوره

...