اخترنا لكم

‏ناس على قل الوصل حيل تغليك
وناسٍ مقابلهـــم عـمـر يكرهــونك

بعض البشر مهما هملته يراعيك
والبعض لو تعطيه عـمـرك يخونك

.....

احترت في ناس مدري كيف اعاملها
احيـان ياطـيبها واحـيان نفسيـه

استقبل مزوحها واضحك واجـاملهـا
وتـصـدّ عـني بـدون اسـباب جـديه

.....

غابت اللي مايوصفها الحنين
غابت اللي وجهها وجه السعد

من ملامحها خلق ربي اربعين
يوم غابت كلهم غابوا بعد

.....

ياغافل اتوضى مع من توضى
لاتترك السنّه ولا تهمل الفرض

لاشحّت الحاجه لها ألف مقضى
عند الذي لا اعطاك ما يطلُب القرض

العافيه؟ كم فالعنايات مرضى
ماتنفع القوّه ولا الطول والعرض

إقنع بما قدّر لك الله وارضىٰ
واركن على رب السماوات والأرض

.....

كان المعزه عندكم يوم واسبوع
ثم تنتهي مع دورة الوقت واتضيع

حنا المعزه عندنا راس مرفوع
لامن شرينا شخص مانقدر انبيع

.....

راسـي علـى عـزه ونفسـي عزيــزه
‏وأبعد عن اللي ينقص القدر والشان

‏وربــي عطانـي طبـع ثابـت وميــزه
‏ما أمشي ورا المقفي ولو كان من كـان

.....

جبل جبل ماهمني حذف حذاف
‏ولاضاق من فعل المساكين صدري

‏قدري مع اهل الطيب والناس الاشراف
‏ماجيت ادور عند الانذال قدري

.....

‏الجمـال يمـوت والأخلاق تبقـى
والحلا فالروح ماهو في سواها

البـشر بأخـلاقها والذوق ترقـى
ما تزيد أشـكالـها مـن مستـواها

.....

والقلب لاصابه وجع من يداويه
دام الوجع من شخص كان اهتمامه

.....

‏
كبريائي في الغلا ما هو تسلي
نُدرة الأشيـاء تغريني و أبيهـا

ما اداني إمتلاك الحاجة اللي
كل واحد يقدر يحصل عليها

.....