اخترنا لكم شعر نبطي وفصيح

طـبنا وشـبنا واتـعبتنا المـشـاريـف
والمـرقب العـالي هـبـوبـه عـنيفـه

ويا حظ من لا عرف منهو ولا شيف
ان طـاب يـحمد وان تـردى بكيـفـه

بدر عبدالمحسن

يا لبنادم لا تغرك ملذات الحياة
والله ان الموت فوقك طيورة حايمة

والله انك لو تذرا ورا حيد الصفاة
المنية حاصلة والقيامة قايمة

.....

صواديف بقعا لو تخلي الجبال طحين
ما ترخي على كسب الجمايل عزايمنا

صبرنا على اللوعه لا مره ولا ثنتين
ولا احدً على صبرً صبرناه لايمنا

صدوف اليالي صارت بيومنا روتين
واكلنا مطبات الزمن مع ولايمنا

ونطحنا الظروف القاسيه كلبوها لين
ثبتنا وحطونا النشامى على اليمنا

.....

الموقف اللي ضيق الصدر والجاش
ضاعت عوايدنا مع الوقت طوشه

ماعاد تفرق بين رعيان وأدباش
بعد التساوي بين لحية وشوشه

ناسٍ على دم المساكين تعتاش
وناسٍ تعيش الناس منما تحوشه

حتى نفوس الناس ماتقبل إنقاش
يبدأ جدال وينتهي له بهوشه

.....

يدور الزمن وبدورته تجربه ودروس
مقادير في صبح وعشيه تبارينا

دروسٍ نعايشها في الواقع الملموس
ويا كم دروسٍ كانت بعكس امانينا

ولكن درب العز والطيب والناموس
ثوابت من الفطره عليها تربينا

ولا نرخص الغالي ونبقى عزاز نفوس
ومهما نواجه ما تغيّر مبادينا

.....

‏المحبه غاليه بس المشاعر ما تثمن
‏والتهوّر في دروب الحب يبغي له جراوه

‏يحبيبي ودي اسأل لاتخاف ابغى اتطمّن
‏هو غلا والا كلامك بس من باب الفضاوه

‏خايف اسخي شعوري في دروب الحب ثمّن
‏يطلع الناتج من الاحداث خذلان وقساوه

.....

اغيب وابعد وانشغل واحاول انسى ما نسيت
‏ما تنّسى ذكرى السنين اللي معك قضيتها

‏حاولت كم مره وكم مره ولكن ما قويت
‏حتى لو ان ذكراك ما مرت علي مريتها

‏وشلون وانا كل ما تطري علي مت وحييت
‏لو ان معي قدره على نسيانها نسيتها

.....

يا ما فقدنا منهو اغلى من الروح
‏لكن عشنا عقبهم غصب عنا

‏هذي هي الدنيا مسرات وجروح
‏محدن يحـقق كـل ماهو تمنـا

.....

خذ لك مع العفو والتقدير حبة خشم
‏وإترك نوايا الأوادم داخل اصدورها

.....

لا صار الغلا من بين الاحباب ماله كرت
‏يموت الشعور اللي مع كل متأمل

‏مادام استوت في خاطرك لا تقول احترت
‏شف الموقف اللي يحسب لروحك وكمل

‏انا وجهي ابيض عند قلبك ولا قصرت
‏تجملت لكن انت ما فيك متجمل

.....