فوق هام السحب ( الشعر الشعبي) على متن القوافي

يا مقهوي قهوني جعل كيفك ما يهان
الصداع اللي عبث بالخلايا وقفه

صب لي فنجال قهوة بريح الزعفران
والقبس يلهب وصفر الدلال مطرفة

قهوةً ماهي من ستاربكس ومن كيان
مدري اغلبها من ايات نوع مؤلفة

...

مال الشجاعه عمر وانتي كبيره
نظراتك بوجه العدا سيف ذبـاح

لو كان ما عندك جيوش وذخيره
من قو باسك شوكتك صارت سلاح

...

من تولع له بـ غيداً نسبها يستثير
لا تقول انه مع الوقت يمكنه يمل

أسمها من اربع حروف شرً مستطير
مقبرة عدوان الاسلام وشيوخ الشمل

فارقه بـ الطول والعنق والوجه النظير
كنها غزيزة الشيخ فالذود الهمل

زينها ماهوب يعرف كبير ولا صغير
في هواها تشبك الحر وتسوق الجمل

...

حتى لو ان الضيق ماله مواثيق
ماتوقف الأيام بـ اسباب ضيقه

تضيق ثم تضيق وتضيق وتضيق
لكن فرجها عند ربي بـ دقيقه

...

عذرك تحبين القصايد وعذري
انك طموحات القلوب النبيله

أنا اختصرت الناس بـ إبداع شعري
وأنتي اختصرتي كل أنثى جميله

...

لاتطري الفرقا ولو كنت مزاح
فيني من فراق المحبين خرعه

تبي تأكد من كلامي وترتاح
اطر الفراق وشوف وجهي بسرعه

...

كم غايب ماغاب ذكره عن البال
وكم حاضر يشبه حضوره غيابه

ماكل من يبعد عن العين ننساه
بعض البشر طيبه يعوض مكانه

...

من شرب من سم لذّات الغرايم
مانفعه وصفة طبيب وصوت قاري
مطحس بن حمد

لا وأهني قلبٍ من الحب مصدوف
ما ذاق لذات الغرام وعذابه
سعود بن جمعان

جوارحي للغياب المرّ مضطرّه
والوصل مانيب فيه اليوم متجوّد
ٰ
ان كانك تروح مرّه وتحضر مرّه
انا اقدر اروح لكن ماقدر اعوّد

...

اخفيت وجه الحزن وظهرت وجهٍ ضحوك
‏ وجبرت نفسي على تمثيل بعض الوجيه

‏احيان تِجبر على تمثيل بعض السلوك
‏تظهر بمظهر ماهو مظهرك لو ماتبيه

...