اخترنا لكم شعر نبطي وفصيح

لا تخاوي البخلان وتساير اللاش
‏تسلك مساليك الردى وانت جيّد

.....

‏أنا اللي كل ما قالو تطيح من الحمول متون
‏وقفت بوجه ثورات الظروف وموجها العاتي

‏و لأجل أبقى على هذا الشعور العاقل المجنون
‏كفرت بكل خيبات الزمــن و آمنت في ذاتي

.....

‏قبل تغريك الليالي وتاخذك الظروف
‏كنت ابيك .. ويمضي العمر ولَا زلت ابيك

‏انت عيش اللي بقى لك من الدنيا عيوف
‏ولا انا يا ميتٍ منْك .. يا ميت عليك

.....

كل البشر بأنواعها تملك إحساس
لا يغرّك الي ما بعد جاك يشكي

ترا الي يضحك دايم ويسعد الناس
لو سولف وقال الحقيقة بتبكي

.....

من شاور الناس ماحقق طموحاته
يلقى من الناس من يكسر مجاديفة

.....

‏أخفي همومي وسـط قلبي ولا انهار
واجامــل العالـم بضحكـة شفاتي

وادعس على حزني ولوصار ماصار
ولا خلـي الحُسـاد تعـــرف شتاتي

هذا انا الصامـد على ضيق الاقدار
صامــل ومعلـن فـي حياتي ثباتي

وصابــر على الدنيا وما ربي اختار
وعايش ولوضاقت بوجهي حياتي

.....

بـ علمـــك عـن درس فـــن التعامــل
واليـا فهمـت الـدرس يلزمــــك نقلـه

اضحك وغض الطرف واصفح وجامل
واعـط العـرب كلـن علـى قــد عقلـه

.....

عطيتك من سما فكري غلا لكن بدون حدود
‏قوافي تنزف حروف العتب وتصوّر إبداعي

‏مشيت الدرب لحدود الوفا صعبٍ عليّ اعود
‏أبمشي لين ما تجفل عظامي وتنتهي قاعي

.....

لولا صواديف الزمـان الثقيلات
ما ينعرف طيب العرب من رداها

مشكور يا وقت ٍ غـدا فيه ميلات
عرفتني بـالناس وش هو مداها

.....

صحيت من أحلامي نسيت سواد أحزاني وماضيها
على صوت ضحكه رقتها جمعت احلى معانيها

بسمتها طفت حزن في داخلي بجمال ضحكة مثانيها
وأبحرت في خيالها وعشت بداية حب بأجمل موانيها

انطر ردها يمكن استعجلت أذوق من الحلى حاليها
ولو كان ردها رفضي ماينقص غلاها في عين مغليها

محمدالشمري