اخترنا لكم شعر نبطي وفصيح

اسياد و انصادم شغاميم و اسياد
قبل يسود الحكم مكه و طيبه

واليوم حنا اخوان وامجادنا امجاد
مثل القريب اللي ينومس قريبه

.....

ما كل بشت تشوف راعي فعايل
كم بشت يبغى بشت غيره يذريه

ولا كل رجلٍ كل ما قال طايل
بعض الرجل قوله فلا يعدي يديه

كم واحدٍ يتعب عيال الحمايل
تجملو به بس ما بينت فيه

.....

ما نزّل الدمعه سوا فقد غالين
يطيح لو نلبس قناع الشجاعة

احدٍ يجي طاريه من حين لا حين
واحدٍ يجي طاريه في كل ساعة

.....

يا زين مكتوبك و ياحي ذا العين
و حنا على ما قيل سمعٍ و طاعه

ما نزل رقاب الكفو و السلاطين
الا الهوى و الموت ما به شفاعه

.....

ترا مزحنا في مخالط الناس كله ذوق
ولا يكسر العزّة ولا يخدش الحشمة

ضعيف الروابع كل ما زم خشمه فوق
عطيناه درس من التواضع على خشمه

.....

ان شفت لك باب مسكر ومسدود
غيره ميـة باب وطـريقٍ تـدله

محدن بميّت في رجا شخص محدود
كم شخص يكره حاجةٍ خيرةٍ لــه

.....

يا من تبسم فَمْك هذا ماهو فم
هذا من الحان السماء الكريمة

لمة خدودك مثل جمعة بني عم
تجمعوا من شان رد الظليمة

.....

ايه اعترف اني معك حيل حساس
اضيق لو ماقلت لي كيف حالك

كريم لكنّك معي ابخل الناس
في شوفتك في مواصلك في اتصالك

تعال واسمعني من الراس للراس
الـبيت هـذا ثـبته وسـط بـالك

عطني عمر ثاني وقلبين وإحساس
وانا اوعدك أنساك واعشق بدالك

.....

يا لعبد لا تشكي همومك على العبد
اشتك على اللي في يدينه مصيرك

تشكي على المخلوق من دبلة الكبد
واللي دبل كبدك دبل كبد غيرك

.....

يا صاحبي خـذ الهدوء من ناحيه
ومن ناحيه اخرى خذ الشي الأصح

مالك ومال العالم المتناحيه
اللي علينا بالكلام تلْح لَح

حنّا بلشنا فالعقول الصاحيه
مهوب عاد اللي عليها قلّ صَحّ

.....