اخترنا لكم شعر نبطي وفصيح

غفلنا وإنشغلنـا بـالزمن يـا ربـنـا رحماك
ورجعنـا خاشعيـن ولا معنا الا هقـاويـنـا

وقفنا عند بابك مالنا مطلوب غير رضاك
معاصينا كبار وعفوك أكبر من معاصينا

.....

الوجيه اللي على الحشمه تربت
من نواها بالردى يفدى لحاها

والوجيه اللي على الفزعات لبت
جعل منهو ينقل النمه فداها

.....

ترى التواضع يجعل الشخص غالي
والكبر شين وعادته يقتل الحي

ناسن تشوف نفوسها بالعلالي
والواقع الملموس تطلع وﻻ شي

.....

جنّب دروب مكسرين المجاديف
اللي نجاحاتك تسبب مرضهم

وأبعد عن اللي يجحدون المعاريف
ان مالقوا ضيفه تعشوا بعضهم

.....

بين الردى والطيب فرق وعلامات
وترى المواقف تكشف اللي تخفى

صيت الكفو يبقى ولو قيل لك مات
وألا الردي ينسى نهار يتوفى

....د

الله ولا خوة ضعيف الروابع
الي على ربعه يحد السكاكين

صحيح ماتشبه بعضها الاصابع
وحنا عن ضعوف الاوادم غنيين

.....

طابت خواطرنا من مطارد الناس
من طردهم مدري وش اللي جنينا

اللي يبينا منزله هامة الراس
واللي يبى الصـده لا يشره علينا

....د

اول شروط الصاحب الله يسلمك
الصاحب اللي صحبته ترفع الراس

إن شاف لك هفوة سترها وعلمك
وإن شاف لك ميزة يعلم بها الناس

.....

تجاهل الجاهل على شان ترتاح
وأسمع من العارف لا منّه تكلّم

لاتندفع وتنطّح اصياح بصياح
أصمت وحاول تستفيد وتعلّم

.....

يا أهل المصالح مالكم عندنا شي
نعرف خوافيكم ونعرف خطاكم

لـو نكشف الاوراق ونـزيـد بالكي
نلقى العجاج اللي يلوث سماكم

.....