اخترنا لكم شعر نبطي وفصيح

دون الخوي والله إني ماني بناطر
الضيقه اللي بصدره ما يدرجها

عـنـز وتـلـقى رفيقـن يبهج الخاطر
يصادم الـروس لـين الله يفرجها

.....

ما هو دليل الاسم بفعول الاجواد
احذر تقارن بالاسـامي شريحـه

احيان شخص اسمه يخلّد للاحفاد
واحيان للمتـرديه والنطيحه

.....

ابحث عن القمة ترى القاع مزحوم
لا تنزل لبعض العرب وأنت عالي

لو كل مخلوقٍ قدر فالسما يحوم
ما عشت زحمة الأرض والجو خالي

.....

قم شرع الباب للهقوات وازهلني
تبي تزين العلوم ويضحك حجاجك

اما دروبٍ ورى الحروه توصلني
والا عليك السلام وعوّد ادراجك

....

‏دام وصلك فيه شي من المذلَّه
اعتبرني فرصةٍ جاتك وراحت

يا مطيِّح دمعتي ودعتك الله
والله انك طحت معها يوم طاحت

.....

‏مرحبا يا غاية القلب وأقصى منتهاه
‏ريف قلبي جعل عمري معك ما ينتهي

‏والله أنك وسط قلبي وهذا مبتغـاه
‏والعمر من دون وصلك ترى ما ينشري

‏والله أنك زين مبسم وطبع وزين جاه
‏جعل عين الناس منك تسجّ وتلتهي

....د

صحيح القلوب الطيبة في الحياة كثار
لكن خصك الرحمن في قلب ما مثله

....د

كم يزيد الصمت هيبة نفوس الصامتين
مثل مايكشف خوا ناقص العرف الكلام

ودك تحدد لبعض الأوادم كلمتين
السلام إن جيت وان جاك مردود السلام

.....

بعض النساء تسوى ثمانين رجال
وتسواك ياراعي الردا والنميمه

.....

‏العين يا ما تشوف من الغثا واجد
‏والصبر محدود لين الله يزينها

.....