اخترنا لكم شعر نبطي وفصيح

يا صاح لا تشغلك دنياك يـا صـاح
‏تقطع حبال الوصل بينـك وبينـي

.....

لا مر طرّق بخدراته سلامٍ لي
كنه يسلم علي بصوته الغالي

خلوني اسج عن موضوعه احسن لي
ولا الغلا والله ان يبطي وهو غالي

سعد بن جدلان

ما كل دار يا وجيه الخير دار
وما كل من رافقته يسمى رفيق

الأولة ذكرى ومربى واعتبار
والثانية صحبة لها عهدٍ وثيق

تأمن بها في الليل وإن بان النهار
تأنس بها مع متاهات الطريق

رفيقي اللي له مقام وله وقار
ما أضيق منه لو لحقني منه ضيق

لا صار من جور الزمن قبّاس نار
حقه علي أصير طفاية حريق

هذي مفاهيم الصداقة باختصار
يا جاهلين أهل الصداقة والصديق

محمد الذيب

‏لا تنظر لماضيك لأنّه ما يعود
فكّر بحاضرك الجديد وسنّعه

وابذل عشان أحلامك أضعاف الجهود
وباب الأمل بين المحاني شرّعه

واثبت لنفسك بين خلق اللّه وجود
ودوّر على اللي قَدر نفسك يرفعه

وإذا فتر عزمك وحسيت ببرود
حفّز خفوقك بالطموح وشجّعه

.....

عساك فداي ياحلمٍ سرى مايلحقه سرّاي
تجيبك ليلةٍ فيها السحاب يلاعب كفوفي

.....

‏يا ربّي لا تجعلني على يمّتك محتار
تولّاني وخذني بيمناي وأصلحني

ذنوبي كبار مالها إلّا أنت يا غفّار
إذا صار ما سامحتني من يسامحني

عسى مغفرتك تحول بيني وبين النار
وعسى فضلك إن خابت ظنوني يفرّحني

.....

المال في جيب الكفو عابر سبيل
إليا جلس يومين في جيبه رحل

لكن لا من طاح في جيب البخيل
يقضي حياته كلها راعي محل

سعود الرساسمة

تموت الرغبه إن جاء بالمحبة شح
وتموت الكلمة إن جاء ردها تأخير

حبيبك مو حبيبك لا بغاك تلح
وكلامك مو كلامك لو يبي تفسير

وإذا حسيت مو هذا مكانك رح
ترا بعض الجلوس أحيان مابه خير

.....

امسينـا بامرك يا عزيز الجلالي
‏يا من مفـاتيح المقـادير بيـديه

‏احفظنا واحفظ لاجلنا كل غالي
‏واكتب لنــا كل ما نحبّه ونرجيه

آمين

حنا كذا في صف الايام طلاب
‏نقراء من عيون الزمن ونتعلم

.....