فوق هام السحب ( الشعر الشعبي) على متن القوافي

ماني آقل وماني أزود من الناس
‏ولحدن يشابهني ولا أشبه لـ غيريّ

‏من طاب لي شلته ع العين والراس
‏ومن صد ما حثيت خلفه مسيريّ

شيهانه السبيعي

مادريت ان ضحكة الوقت خداعه
شفت مدخالي ولاشفت مطلاعي

لابغيت اسـج ولّا انبسط ساعه
دق قلبي من ورى حدب الاضلاعي

هـم قلبي مايفرّق تجمّاعه
غير جر الصوت والناس هجّاعيً

....

‏محتاج لي قلب مايتعب من هيامه
‏ ان حب له شخص وفارق مايتعبني

‏ومحتاج لي وقت يغنيني من أيامه
‏كل يوم اجمل من الثاني ويعجبني

‏ومحتاج لي شخص لو سولفت قدامه
‏عن كل حـاجه بنفسي مـايعاتبني

....

ما كل ضحكه عليها لـ السعاده ضمان
ولا كل وجه بشوش مخليته الظروف

مفارق احباب ومواجه ظروف الزمان
والحمدلله مستانس مثل ماتشوف

....

من لايداري خاطرك لاتداريه
بعض المدارى لـلخواطر مذله

كم واحدآ تتعب على شان ترضيه
ويصير ظنك فيه ماهو محله

والصحبه اللي من وراها مشاريه
احظر تجامل صحبته رح وخله

عليك باللي كل ماحل طاريه
كلمة نعم تنساقله وتحصله

....

النفـوس أنـواع والدنيـا مصالح
والستر مكسب ويغنيك إن كسبته

لاجبرك الوقـت تشرب ماء مالح
أشـرب ولا تقـول للعـالم شربتــه

....

يـآ مساء الهيـل والبن النظـيف
نـسكبـه للـي لهـم قـدر وغلآ

تدري أن الكيف مآيكمل بكيف
الا إذا حطـوآ مع القهوه حلآ


....

يارب وان ضاقت عليّ الوسيعه
‏انت الذي لاضاق صدري اناجيه

‏وعبدك لو ان الوقت عيّا يطيعه
‏ماينحني راسه لغيرك ويرجيه

....

نفسك لا ترخصها ولو حدك الوقت
خلك عزيز النفس لو مامعك لون

أصبر لونك من زمانك تضايقت
وباب الفرج والرزق للعبد مضمون

شيهانه

النفـوس أنـواع والدنيـا مصالح
والستر مكسب ويغنيك إن كسبته

لاجبرك الوقـت تشرب ماء مالح
أشـرب ولا تقـول للعـالم شربتــه

....