اخترنا لكم شعر نبطي وفصيح

‏يالله استرني بلطفك دام سترك ثوبي
واغفر لعبدٍ كساه الذنب واصفح عنه

ما لنفسي غير نورك في ضلال دروبي
والمُنى عفوّك وحسن الخاتمه و الجنّه

مذنب ولاجيت اقارن رحمتك بذنوبي
اذكر ان ذنبي عظيم وعفوّك اعظم منه

سبحانه

‏لولا الظنون الطيبه مات الإحساس
ولولا التسامح بالحياه إنقرضنا

ولولا الأمل تهنا على سكة اليأس
ولولا مخاسير الزمن ما أتعضنا

.....

‏يا كثرهم لا قلت دله وبرّاد
ويا قلهم لا قلت خدمه بسيطه

ويا سرعهم لا قلت هيا على الزاد
على الصحن طاحوا سقيطه سقيطه

.....

العاقل اليوم حاله مثل حال الغريب
‏يستغرب الناس من حوله وتستغربه

.....

أتشرف شايل اسمك ياوطن عزّي ومجدي
يا وطن ساكن بقلبي ساكن قلوبٍ كثيره

أتشرف فيك والله يا غلا قلبي وسعدي
يا دفانا و يا ذرانا في ليالينا العسيره

وان دعتناالدار جينا كل منّا مستعدّي
ما تردد في قراري ولا أجي حي استشيره

رايتي مرفوعه عالي وسيفها دايم بيدّي
ورافعٍ صوتي فديتك يا ثرى كل الجزيره

وكل من فكر يمسك ياوطن أسلاف جدّي
لازم يفكر بموته قبل يفكر وش مصيره

ياعرب كلّي سعودي وكلّي عزوم وتحدّي
ودام عزك يا وطنا فخرنا في كل ديره

دام عزك ياوطن

يا ناس خلّوني معه وإتركوني
محدٍ معوّضني غيابه إلا غاب

أغليه بس شلون لا تسألوني
الحب من ربي يجي ما له أسباب

شوفوه بعيوني قبل تعذلوني
شوفوا حبيبي ماهو بمثل الاحباب

ترضون ولا كيفكم تزعلوني
أنا حبيبي سيد تلعات الارقاب

مافيه مثله بالبشر صدقوني
مزيون متواضع وطيب وجذّاب

واذا مدحته قال لا تمدحوني
ماني من اللي يستحقون الاعجاب

يقول بس الزين فيني عيوني
وأقول أنا ذا بلا بوك يا عقاب

.....

ما ضاقت إلا قرّبت في فرجها
لا تشغلك ضيقة ولا يتعبك حزن

حاولت تجبرها وتعدل عوجها
وعند الردي كل العطايا بلا وزن

وانا فدا عيونك و ظاهر حرجها
والدمعة اللي كانت اطهر من المزن

.....

العمر طرقه والليالي راحله
والصبر لو غنيت به ما زادني

يم المواني ما قبلني ساحله
لو لي تظاهر بالفرح ما رادني

كني عليه من الشقا لا ناح له
تضحك عيون العاصفه لا صادني

ليت المسا لا رتادني ينزاح له
شيٍ على صدر الجفا ما فادني

.....

امنت بك يا رب والموت سنتك
وحنا جنايز والمصير المقابر

يا الله غفرانك وعفوك وجنتك
في يوم ما فاد الطغاه المكابر

.....

يا عضيدي فالحياة و راس مالي
لا وقفت تعيد تشكيل الخريطه

دون وجهك ما حسبت حساب غالي
والعسيره لا نصت مثلك بسيطه

يا حزامي لا عبس وجه الليالي
و استفاق الهم و الدنيا شطيطه

و الله انّي ما التفت في ضيق بالي
لا ذكرت انّك على وجه البسيطه

.....