فوق هام السحب ( الشعر الشعبي) على متن القوافي

‏خلّونــي ارتـاح كم لي فاقـــد الراحه
لاحــــد يكــــدر امانـه جــــــــوي الراقي

اليـــوم نفســي بفضـل الله مرتاحه
ونفسي اضحك قسم من داخل اعماقي

خلاص قررت بنسا الضيق واجراحه
وارمـــي تعاسات حظـــي فوق الافاقي

واعيش جو العمر بالسُعد وافراحه
والشكــــــر لله رب العــــــرش خلاقي

شيهانه

‏ماعندي الا جسد ربي نفخ فيه روح
‏ماهمه يحاسب العالم ولا تحاسبه

‏انا صديق الوفا وانا صديق الوضوح
‏اللي معاها كثير من البشر راسبه

‏ماكل من شافني شفته بعين الطموح
‏احساس الانسان ماهو بآلةٍ حاسبه

‏مابين ناسٍ تجي ومابين ناسٍ تروح
‏ماكل واحد يناسبني لو اناسبه

....

‏ناشك الحزن يا وجه الصديق السنافي
‏واضحٍ فيك حتى ضحكتك لي عليها


لانشدتك تطمني بكلمة عوافي
‏والعوافي بعيدٍ منك لو تدعيها

....

‏ اكبر هموم القلب تركك للصلاة
‏والا ترى الدنيا مشّاكلها تهون

‏ماتستريح النفس وتزين الحياة
‏الا مع اللي يركعون ويسجدون

....

يا خاطري ماني معوّدك بالضيق
‏وعليك لون الضيق ما هوب لايق

‏خابرك حر ماتعرف المسابيق
‏وشفيك من حر الهواجيس ضايق
....

انا اكذب فالقصيد وكلكم دارين
‏ولا فكرت فالشاره ولا الناقد

‏اقول البارحه ماغمضت لي عين
‏وانا من يوم صليت العشاء راقد

....

‏ما يفيد البوح في همس الكلام
والأماني مثل مجنون انتحر

يا شواطي احضني باقي الحطام
واسألي عن طيف مشتاق عبر

....

أقرا رسايل ماضيه كنت ويّاك
‏واتأمل اللّي صار من ذكرياتي
‏َ
‏وأراجع اللي فات من حلو ذكراك
‏وتضيق فيني كل الأربع جهاتي
‏َ
‏هلت دموعي ياحبيبي بلياك
‏وأنت الذي لا هلّ دمعي تحاتي
‏َ
‏شف حالتي من يوم ماحان فرقاك
‏ضاعت مع فرقاك كل أمنياتي

اميره الورد

اذا كان حبك عام حبي معك دول
وذا كان حبك نار قلبي معك بحور

اشوفك بعيني اكبر الناس من زحل
واشوفك بقلبي نور باقي مدى الدهور

وفيك الهوى والحب ما خاب له أمل
احبك مدى الأيام والعام والشهور

ونا ياحبيبة الروح قلبي معك رحل
كما ذبذبات البث متجاوز القصور

حياتي وفكري انتي والشعر والغزل
وقلبي وروحي في محبتك ما يبور

احبك ولكٍ في داخل الروح مرتحل
ولكٍ في وسط عيني مقاعد بها الزهور

اشوفك نجوم الكون وشوف بك مثل
وحبك على مر الزمــــان والعصـــور

لك الله أن الحب لكٍ يطوي الخجل
يفوق الهوى والحب والشوق والشعور

ترا القلب بسمك لو تقع معكٍ وصل
فلا شك يسبق خافق القلب والمرور

اميره الورد

لاهانت الرفقه على من نصافيه
‏الصد للنفس العزيزه كرامه

‏ماللوفاء سوق نبيعه ونشريه
‏ولا لنيات الخلايق علامه

....