اخترنا لكم شعر نبطي وفصيح

لا تعتب على دنياك يا الخاطر المجروح
‏تبا تروح من دنياك والنفس ما ارتاحت

‏تمر السنين وكل ساعه تجي وتروح
‏ولك ساعةٍ فالعمر لا جات ما راحت

.....

‏نمسح خطاء اللي ماقصد يخطي
وان عاد واخطا ترفّعنا عن احراجه

وان كرّر الثالثه والله لا يبطي
يدوّر مْن السماء والأرض مخراجه

.....

ابات الليل في رجوا صباحه
وادق من الندم بالعود سني

ولا ثوبي غدا يطرخ شلاحه
يدق القاع ردنه ومتثني

عليهم صار خدي به قراحه
من الفرقى وشفني ويش كني

.....

يا سامعٍ مني وصية ناصح
أظن بعض الناس ما دريو بها

الأوله صر مجهدٍ بالطاعه
تفرح إلى جا حد وزن ذنوبها

والثانيه هدي الرسول اعمل به
تستر نفسك في لقا محبوبها

والثالثه احذر اجروح لسانك
ترا جروحه ما تسر طبوبها

الرابعه احذرك عرض الغافل
واعرض على نفسك جميع اعيوبها

والخامسه لياك توذي جارك
ولا توقف للنساء بدروبها

السادسه لياك تجفى ضيفك
أعط الرجال حقوقها وما جوبها

السابعه احلم على اللي جاهل
ولا تكثر للصديق اعيوبها

الثامنه صر للقريب متواضع
صر له ذلولٍ عن اطبوع اصعوبها

التاسعه احذر جاهل او عالم
إلا إلى وردت عليك اخطوبها

العاشره صر للرجال املازم
يبين لك من ما ترا تجروبها

هذي وصاتي للرجال احفظها
واسمع اوصات البيض يا مثيوبها

.....

فكرت بالدنيا وهي مثل لجه
بحور وكل في البحور يغوص

احد قليل الفود لو كثر غوصه
واحد من الغبه يجيب افصوص

ما ياخذ الدنيا قوي بحيله
ولا حازها بالحرص كل حروص

ولا يحرم الارزاق في الناس عاجز
ولو كان هماته محازم خوص

تراها من الباري تقسم وهايب
على هذا من هي النبي نصوص

.....

يوم المقاسيم والأرزاق ساقتني
وانا عن اهل الهوى مقفي ومنحاشي

البكرة اللي تبوج الدوّ لاقتني
تمشي على هونها يبرى لها الحاشي

هميت انا بوقها لا شك باقتني
وانا نصوح ٍ لها ما نيب غشاشي

بغيت انا مسكت الحاشي وعاقتني
يوم انها تلتفت وتطالع الماشي

حولت من مرقب العشاق وارقتني
راع الهوى لو تعلاّ منه ما عاشي

يوم اني اقنص وبارودي على متني
وانا تراي آخذ الشوكة بمنقاشي

واليوم صديت والأيام صدتني
ما عاد لي بالهوى ومتابع اللاشي

.....

السد باح وداخل القلب متلول
ودنيت رسم القيل يا سامعينه

شاروا علي الربع عاذل ومعذول
وجوني ينصحون وصار مثل الرطينه

قالوا اقعد قلت ما ناب مهبول
بس اقصروا يا اهل العقول الرزينه

الجسم في الأرياف والقلب متلول
وما ذقت انا هجس انكم ذايقينه

طبيت نجد وصرت بالدين مشكول
الله لمن حمله حمل ثقيل يعينه

يا نجد حديتيني انشرك واقول
من بربك تالدينه وما تبينه

جيتك وانا عاقل وبك صرت مهبول
خوف على ما في يدي تاخذينه

اخذتيه بالمد ولاعاد لي قول
كم خيّّّّرٍ في مرزقه تفجعينه

عقب الخباري شربنا صار بدحول
والزاد اشوف تجارنا جاحدينه

عقب الغنى قمت ألبس الثوب مشلول
وافرح إلى جبنا العشا مشترينه

يوم على الثنوه ويوم على التول
في نجد شاب الراس من قبل حينه

قل الدسم والشوف ما يقطع الزول
الدر ما يعرف ولو هو شنينه

تقول ذا طبعي ولاهوب مجهول
أنشد ترا شيابكم خابرينه

.....

ناح الحمام ونحت مثله إلى ناح
وشعاد لو جاوبت ورقٍ ينوحِي

يا ونتي ونّة كِسيرٍ إليا طاح
ساقه إلى الركبه غداله اشلوحي

البارحة كلٍ بحلو الكرا ساح
وأنا اشتكي حر المصيبة ابروحي

إليا بغيت أسلي عن القيل وانساح
كدّر صفا صبري عشيرٍ مزوحي

أجادني عقب العشاء رمح شلاح
والناس ما تدري بخافي اجروحي

وأثر عديل الروح دومي وذبّاح
وأنا أحسبه قبل هذا نصوحي

وأثر معه لي مقاميع وارماح
لوا على وين التعازيل يوكي

.....

ما بين هزلك يا حبيبي وجدي
متعه خيال وجنة للمحبين

لو التقي وياك في حلم وردي
أكحل الدنيا بزهر البساتين

بامسح عن العبرات عيني بيدي
وأخلي الدمعه بعيده عن العين

عشان لو ببكي وأبيح بسدي
يكون في نفسي ولا الناس دراين

اشكي لقلبي كل ما كان عندي
واضحك بنفس الوقت والكل لاهين

لا صار حبك هو ملاذي مردي
لو ما تجي هالحين للوقت بعدين

.....

جفاني النوم يا عيني جفاني
إلا وشلون يتركني زماني

غريب أنك نظر عيني وتخلف
مواعيد الهدب لك والأماني
وتخلف شي تخلف أنت تخلف

يقين الوقت حرمان الثواني
الا ما كنت أحبك صرت أحبك

ولولاك أنت مابي حد ثاني

مواني كل هالدنيا مراسي
ببحر الكون يا كل المواني

.....