اخترنا لكم شعر نبطي وفصيح

أبعدهم ما يلحقه كود نابية السنام
حايلٍ ما فوقها كود خرج شدادها

أرقب الطبخه تجيك وسنع تصريف العلام
واجدٍ لك مقعدك لين يفوح قنادها

مرحبين ومسهلا عد نجمٍ في ظلام
بالذلول اللي أقبلت من ديار أبعادها

نحف حالي نحف عسوٍ إلى قد هو صرام
أحذفه اللي رقا في طويل أعيادها

.....

ليته يناديني وانا بس اناديه
واجاوبه يا حسين ولو كان مره

عليه قلبي يابسات عراويه
اقفا ابقلبي من ضلوعي يجره

ذالي ليال قاعده في حراويه
ليننها زادت علي المضره

قمت اتوجد وجد من مات غاليه
قبره اقباله كل يوم يمره

أو وجد من خاوه والليل ممسيه
ينخا ولا حد من هل الهجن مره

خلي طريح والضواري اتحاضيه
بالمقطعه وامقابله ضلع حره

على الذي ماشفت حي ايحاليه
شيخ على القوم المعادين شره

.....

قلبن فر وأفتر مثل المروحه
فرها فرت جديد قوين سيرها

ان ضحك لي صاحبي سر قلبي وافرحه
وان تغلى صاحبي زاد عيني شرها

صاحبي ناوي يذبحني وانا مقوى اذبحه
شب في كبدي سنا نار زوّد حرها

.....

ذكر الموده للعرب ما بها باس
لكنها على المولع مصيبه

حب الرفاقه شيب القلب والراس
وباق الموده له بديل قريبه

باقي العرب تلقا بديله مع الناس
واخوك لو درت البدل ما لقيبه

.....

يا علي يا خوي وين بدواني غدو
لا خبر لا مديد ولا بقلبي بنيس

راحو العربان في شف قطعان البدو
في هوى الخلفات ما راوزوا يوم الخميس

نحف حالي ياعلي نحف مدراة السدو
وزوع قلبي زوع حر ليا شاف القنيس

.....

الا يارفيق الدرب خلك على يمناي
ونا هقوتي بك هقوتي ما تخيبها

وعاهدك في درب الردى ما تسير اخطاي
ولا اهين نفسي وأتهاون بواجبها

والا يا بنات الفكر بالشعر يمي جاي
لعقل ٍ يدير النادره لين يكسبها

ترى الشعر في عقلي ودمي وكل اعضاي
جرى بالعروق وكل الاحساس صاحبها

وانا اللي حداني في شجوني وفي مسراي
دروب الغرام وما جرى من مصايبها

مادام الوداع وفرقة الشمل والاقفاي
قريبه عسى ما عاد يومٍ يقربها

الا ياوزين الروح ياغايتي ومناي
على هون لين النفس تلحق مطالبها

تعال انتعاهد ونتوادع ونقطع راي
ترى ساعة الفرقى تحرك عقاربها

ونا يوم اسوق النفس يمك بحكم ارضاي
ابارك لها بالخطوه اللي تقربها

.....

ترجيته عليه الله واكبر
ولا فاد الرجا واحترت حيره

تغير طبعه الاول تغير
نسي حبي وانا شبيت غيره

على ما جاك يا قلبي تصبر
وقل يا الله عسى با الامر خيره

حلف لي با الوفا لاشك قصر
عهود الغش مدتها قصيرة

أنا والله لوجاني وتعذر
فلا أقبل عذر من خاين عشيره

وباقي الحب عزالله تكدر
وخل الحلو يتريح ضميره

اذا جيته عسى رجلي تكسر
ولو قصدي الهوى عينت غيره

انا قادر على النسيان واقدر
على الاسفار من ديره لديره

ولا هو كفو نتعب له ونسهر
وهو مرتاح عند الله كبيرة

ألايا نعبوا ذا الحظ ألاقشر
عليهم حذني عيشه حقيرة

ألايا قلبي أصبر لا تحسر
خلاص انسى الصغيرة والكبيرة

.....

جتني تخبر بيوم الانقطاع
اللي جرى حبها مجرى دمي

قلت الخبر قالت أمر الله مطاع
في حكم ربي وذاك الآدمي

كل ماجيت باقول الوداع
تموت كلمة وداع في فمي

قالت ترى الروح بعدك في نزاع
وربما كان عرسي ما تبي

هديتي والهديه ماتباع
احفظ لذكراي عندك خاتمي

أمانة الله سري لايذاع
وقلت للحزن لا تستسلمي

ياشمعتي في دجى الليل الضياع
انتي سبب علتي هل تعلمي

والله لو الكي فيه انتفاع
لهل حتى عيوني تنعمي

.....

دلعوك أهلك وتوك صغير
واكتمل عمرك وصارت طبيعه

ما تغير لا تحاول تغير
أمر ياذا الحلو ما تستطيعه

وانت ما تعرف رجب من قصير
والعمر توه على أول ربيعه

ما ربيت الا وسط بيت خير
عايشين أهلك بدنيا فظيعه

كلما شفتك علينا تسير
ودي اسكن قصر والبيت أبيعه

مستواك أعلى وحسنك يحير
والحلى والدل أخذته جميعه

والجعود السود والوجه المنير
لو كلامك بالذهب ما تبيعه

.....

يا غزال البيد كنت احسبك خالي
لكن اتصبر وربك يسويها

والهوى ما يعرف الجد والخالي
والمحبة من يبيها يداريها

شاكيآ حالك وانا شكيا حالي
كل نفس عذبتها بلاويها

اتركوا من شغله القيل والقال
جايب قصة وقصة يوديها

المحبة دايمآ مرها حالي
جربتها نفسي الله يعافيها

قل لخلك راعني يا هوى بالي
عشرة ايام مضت لا تخليها

الوفاء ما يظهر الا من التالي
هذي العشرة وهاذي معانيها

صورة المحبوب دايم تروالي
كل ليلة في حلا النوم أراعيها

زول خلي صار من بد الازوالي
قصة الحب الطويلة وما فيها

.....