اخترنا لكم شعر نبطي وفصيح

يا رب عيّشنا بخير وخذ نواصينا لخير
عند الرحيل أسألك تلهمنا جواب الأسأله

والله ما ينحاش منها لا صغير ولا كبير
تجيك والأحباب فوق القبر والجسم أسفله

من ربك و ما دينك و من بُعث فيكم بشير
ثلاث يُكشف من بعدها عن مُصير المنزله

.....

أقعد يسار وخلها تجلس أيمنك
من قبل تدخل باب بيتك عظيمه

غير المحبه والغلا وش تبي منك
متى تعلمت الوفاء يا البهيمه

ازعلتها ربي يعّيشك في ضَنِكْ
وخذلتها بعد الحياة الكريمه

.....

الهلائم يظهرون ويختفون
مع سقوط الأقنعه تسقط بحت

يا عديل الروح يا القلب الحنون
يا بخت عيناً على عينك صحت

تدري إنك مثل رمشي والعيون
حافظين النون من فوق وتحت

لو نصف حساب للي يعذلون
كان شطبت العلاقه وأنتهت

.....

اسمع نصيحة من يحبك بالمفيد المختصر
لا عاد تزعل وأنت تدري ما على الدنيا آمان

افرح و جامل و اسفهل و خلها رحلة عمر
ما أنته مطولها ثوان ولا مقصرها ثوان

ولا تغرك الدنيا تراها ما وراها إلا القبر
لا تطلق لسانك ترى أكثر ما يدهورك اللسان

.....

تمضي الأيام و أحنا غافلين
و ما ذكرنا الأخره و أهوالها

ليتنا نذكر مصير الأولين
إنطوت صفحاتهم بإعمالها

الف واربع مئه وخمسه وأربعين
أبتدأت و اليوم هل هلالها

عمّروها بالتسامح و اليقين
لا تزل النفس عن منزالها

.....

لا تضيق صدوركم يا أهل الغرام الصافي
طالما النيات بيضاء و المشاعر حيّه

من يبي قربك يبادلك الشعور الدافي
و ما يهمه ويش تقول العالم الدونيه

الزمن هذا ليا جاك الصدوق الوافي
أحفظه مثل الأمانه ما تحّصل زيّه

.....

ما هو لزوم إنك تمادى بالخطأ وأتعب وراك
ترى المهم إن الصداقه في شروط مقننه

يا كثر غلطاتك علي وكل صبري من غلاك
و الا انا في كفي اليمنى رماح مسننه

إن كأنها بمصامخ الأبطال تبشر في عماك
وإن كانها بالطيب مد الطيب يأصلك ثمنه

.....

ما ينخلق في داخل الجوف قلبين
ما هو بقولي قول رب البريه

اهل النوايا الطيَّبه فالهم زين
و اهل الرديه يحترون الرديه

دار الزمان و بُدل الزين بالشين
حتى الخوي ما عاد يأمن خويه

.....

‏ليت وجهك ما يخون الذاكرة ويقرّب
لأجل أعيش العمر كله مستريح وهادي

لو قضيت الوقت أقارن بالبشر واجرّب
كل وجهٍ لو أصفه جنب وجهك عادي

.....

بعض البشر قلبه من الحقد عايب
لا فيه طب وقلبه أسود من غراب

عنده نجاحك من كبار المصايب
وأذا سمع مدحك من الغير ينصاب

لولا الحيا سالت دموعه سكايب
مسكين من نار الحسد ماكل تراب

.....