فوق هام السحب ( الشعر الشعبي) على متن القوافي

‏تربعي بين الحشى والأزارير
وأخذي على ترويقة البال فلّه

وإلا أصبري بطيّر القلب تطيّير
وأنتي تعالي وأجلسي في محلّه

....

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

....

لاشفت لك مجروح حاول تداويه
داوه ولو من باب الإحسان داوه

وإن شفت من يبكي ف لاتسأله ليه
الدمع ماعمره نزل من فضاوه

....

المبسم النرجسي والنظره الخجلا
تناقضاتك تزيد اهل الهوى عله

وش هو له تكٌحلين عيونك النجلا
انتي الكحل في عيونك وهبه من الله

....

‏يالله بدعوه صادقه من ظهر غيب
‏من واحدٍ محبتا لك من الله

‏تفتح لك ابواب السماء والدواليب
‏وتظلك بيوم الحشر تحت ظله

‏دعوة محبن ما وراها مكاسيب
‏من قلب مؤمن لاخطا أستغفر الله

....

‏مؤمن بالقدر والصبر إتخاذي
‏مابعد ضيق الصدور إلا سعتها

‏وش يحزّن خاطري والارض هذي
‏كل حي ٍفوقها يرجع تحتها

....

دام المساء في حضوري شي ثاني
‏أنا حضرت واسعد الله مساكم

‏يسعد مساء اللي يواصلني بذوقي
‏ويسعد مساء اللي منور مسائي

....

خل الشماته يابن عمي وقل خير
ماتضمن اللي صابهم مايجينا

يمكن تجي حاجاتنا في يد الغير
من عقب ما حاجاتهم في يدينا

....

لي عدة ايام متعُومس ولا نمت زين
وليا اقبل الليل زاد الهم بين الضلوع

فِي خاطِري شي مدري شوق ولا حنين
ماباقي الا اردِف الونه واهل الدموع

ماني بخايف من العذال والحاسدين
خايف من الغيبه اللي مابعدها رجوع

....

‏يالله بدعوه صادقه من ظهر غيب
‏من واحدٍ محبتا لك من الله

‏تفتح لك ابواب السماء والدواليب
‏وتظلك بيوم الحشر تحت ظله

‏دعوة محبن ما وراها مكاسيب
‏من قلب مؤمن لاخطا أستغفر الله

....