فوق هام السحب ( الشعر الشعبي) على متن القوافي

بعض القلوب إحساسها يشبه الورد
‏تزهر لقا وإن مرّها البعد تذبل

‏وأجمل قلوب نعيشها شايلة الود
‏فيها الوفا وإن هزّها الشوق تسأل

....

ياحبك اللي توسد وريدي وتمكن بي
عليم الله انه تغلغل في شراييني

اشوفك حلم ياحلمٍ يسليني عن احلامي
واشوفك فرحة ايام العمر يافرحة سنيني

....

هلا فيك ياروح الغلا والوله منقاد
هلا فيك من نفس ٍ من البعد مكتوفه

هلا فيك تبقى للهوى والعشق وقاد
هلا والغلا في داخلي ضاعت وصوفه

ياغاية حبيب ٍ هام بك يوم ربي راد
عرفنا الغلا منك والأسباب معروفه

....

يذبحني بذوقه اذا قال لبيه
ويفز له قلبي من اقصاه لـ أدناه

واقول ياكوني وياكل من فيه
انت الوحيد اللي قلبي تمناه

....

مالى سوا صوتك اذا خاطري ضاق

و مالی سوا صدرك اذا ضايقوني

حتى الشعر ضاقت به صدور الاوراق

من كثر ما اكتب لك شعر عاتبوني

الصبر سلمنى لنيران الاشواق

على غلاك بداخلی حاسبونی

عندي سؤال اردده كل ما اشتاق

الشوق يذبح صاحبه جاوبوني

....

منافع الأرض منّك وأنت سر الوجود
‏ياسيّد الناس وخادمها لامرّيتها

‏يا أعظم الحب وأغلى مايمر الخدود
‏وأحلى التباشير لاحلّت مواقيتها

‏إذا لمست الرمال نحسّ بك فِ الكبود
‏كنّك لمست المحاني يوم بَلّيتها

‏مندوبك البرق وأجوال السحب والرعود
‏ومحبوبتك أرض تباهى ليا جيتها

....

‏محبّتك فوق العتب والمشاريه
ومشاعري تلقى بـ قربك دواها

على كثر ما شافت عيوني وجيه
مافيه وجهٍ غير وجـهك ملاها

....

اجمع شرايين قلبي واعزف لحونك
مادام حبك يعيش بمستوى راقي

هذا قلبي فداك ويا فدا عيونك
مادام روحك وحبك تسكن اشواقي

....

‏خلني في داخل عيونك اعيش
دآم مآفيه شخص غيري راق لك

لاتطول في غيابك تدري ليش
مثل قطرات المطر مشتاق لك

....

حبك بقلبي محتفض به وصنته
واسمك بقلبي كل عشقت سنيني

اغار شعرك لا لغيري كتبته
كنها رماح الموت لي ضيقتني

اريد منك عهد صادق عهته
واريد منك بعد عهدك يميني

عن بحر حبك لي لقلبي نشدته
ومن فؤادي شلي العهد مني

قدرك محبه فوق ذا الحب زدته
ياحب متمني بوقتي ااماني

شاعر بيدك في امامك وجدته
اختار قلبك رغم كثر الغواني

لنك مثيل الشمس نورك وجدته
والشعر حركني وزلزل كياني

والحب عهدي يوم ما يوم بعته
ولا ا فرط في الغلا ياجناني

وكل غالي لجل عينك رخصته
ياحب ما قبله ولا عاد ثاني

عهدك بقلبي عهد صادق عهدته
ماتخلف اقوالك حفيد الفلاني

اشر برمش العين شاعر وجدته
جنبك لا امرك وابشري ياحناني

القلب زغرد يوم ردك قريته
والحن غرد من عذوب الاغاني

ووسط صدرك نقش خطي نقشته
يضل خالد مثل بعض المباني

فارس غرامك جاك حبي قصدته
والختم احبك ياملك بك رهاني

....