اخترنا لكم

بين الخطا اللي دون قصد وقولة حصل خير
‏تاقف معاذير القلوب البيض من دون حركه

‏تغانمني تراني من القطيعه والجفا بموت
‏عساي إن مت ياغالي أموت وعادني غالي

.....

‏فيه ساعه فالعمر لحظاتها مسترّه
‏بس لا عدّت دقايقها تصير احسوفه

‏تشبه الوجه الجميل اللي تشوفه مرّه
‏عقبها لو تقلب الدنيا ما عاد تشوفه

.....

عطاك الله من اوصاف الجمال الطاغي الفتّان
وعطيتك معظم شعور الغلا من دون تعطيني

.....

دنياك هاذي ماتجي لك على الكيف
لابد ماتخْدَعْك لوكنت معها

كم فرقت من بين ناسٍ مواليف
ولا طاوعت من هو بحبه تبعها

دنيا المآسي والألم والتكاليف
ياقل لذتها وماكثر وجعها

يالله عسى منها سلامه وتخفيف
ياباسطٍ سبعٍ وسبعٍ رفعها

.....

‏يا طارق الباب رفقاً حين تطرقهُ
فإنه لم يعد في الدار أصحابُ

تفرقوا في دروبِ الأرض وانتثروا
كأنه لم يكن أنسٌ وأحبـابُ

ارحم يديك فما في الدار من أحد
لا ترج رداً فأهل الود قد راحوا

ولترحم الدار لا توقظ مواجعها
للدور روحٌ كما للناس أرواحُ

.....

ياقلب لاساقك زمانك على الهم
غاير جروحگ لا تبيًح خفاها

مصيرها مع طول الايام تلتم
والا تموت ويخلف الله علاها

.....

رمضان يَدنو والقلوب تشوَقت
‏ونسائِمُ الذكرى يَفيضُ حَنينُها

بقلمي

اللهم بلغنا رمضان وانت راضاً عنا
واعنا على صيامه وقيامه

اضحك ترى عوج الليالي مدابير
وما للخلايق في قضا الرب حيله

ترى الشدايد قافيتها التياسير
ياللي تشيل الهم ربك يزيله

.....

ترى صدور الناس مثل المخازن
ياما بداخلها من الشر والخير

وأكبر نجاحك في الحياة التوازن
والصبر لا صكّت عليك المقادير

.....

‏ان كان مالك نفس قلي ومسموح
‏ولا تكرهّني بنفسك وانا اغليك

‏الروح ما تجبر على معرفة الروح
‏فكر وعطني صامل العلم واعطيك

‏ان ما حصل من بيننا ضحك ومزوح
‏بالغصب ماني يا أريش العين باغيك

.....