اخترنا لكم شعر نبطي وفصيح

‏عن مناوي غايه النفس تقنعك السنين
ما صفت عوج الليالي و لا دامت لأحد

.....

ابتسم للضيف واضحك للمسير
‏الكرم يبدا بضحكة وابتسامة

‏اطلق حجاجك ووجهك لا يتغير
‏الحجاج المنطلق نص الكرامة

.....

لا تترك اللي خوته تجلب الطيب
أحرص على قربه لو الفقر غطاه

واحذرمن اللي خوته تجلب العيب
لو كثر ماله واعتلى سور مبناه

الصنف الأول يرفعك بالمواجيب
والصنف الآخر للمذمات ممشاه

هذي تجارب من علا راسه الشيب
واصبح خبير في صواديف دنياه

.....

لا تزعجون الناس بافعال الاموات
كفـوا وقفـوا كاسبين الجميلـه

عد انت وش سويت من فعل بالذات
اما كسبت النـعم والا بديلـه

سعود العتيبي

ظني انه صار شوف الطيبين شفاقه
‏والمراجل عقبهم قدها على تاليها

‏خالد بن مدعث

يبعث الله في المصلين السكينه
‏دون قرب الله حياة الشخص مُرّه

‏من يحط - الله تعالى - بين عينه
‏حطه الله في المقام اللي يسرّه

جابر بن علوش

أعلم ترا فيه وحده من صلواتك
‏في عمرك اخر صلاة لك تصليها

.....

يا رب ترزقني وترزق صديقي
‏تعطيه من خيرك وتعطيني اعطيه
‏
‏قبل امس وقفني وانا في طريقي
‏وقام ايتشكى لي وانا قمت اهدّيه
‏
‏ازريت لبلع من شكاويه ريقي
‏وانا ما عندي غير روحي وتفديه
‏
‏جاني من الاحراج شي ٍ حقيقي
‏في موقفاً ما ودي احدن يجي فيه

.....

اللي ما تبغي تلاحقها عيون الرجال
‏تلبس عباية ستر ما هي عباية خصر
‏
‏لا تظهرين المفاتن والدلع والجمال
‏وتطالبين الرجال تغض عنك البصر

.....

في ضلوعي طفل لامن جاع أغني
وأجرح الدنيا بنظرات الذهول

أنقسم ثلثين إنس وثلث جني
وأترك الصرخة تقول وما أقول

صاحبي مثل القصيدة ما فتني
لا تعرت حلم للقلب الخجول

في ملامحها الخفية شي مني
آيتي للناس والشاعر رسول

إن بكت تمطر غيوم بوجه ظني
هي سما روحي وأنا أوجاعي فصول

لا تبرقعها ظنونك بالتجني
عن ضما الوردة يكلمك الذبول

صاحبي خانوا ربوعي والتمني
ما بقا عندي سوى مهر جفول

إنكفوا شدوا وشد الصبح عني
خلوا الظلما تشكل ألف زول

عيشوني الخوف كله لكن إني
ما عطيت الشمس لأنصاف الحلول

ما خذيت الشعر طفل بالتبني
ولا تركت لخطوه الرفض القبول

دست بعنادي ظروف عاندني
قلت أباصل لو غدى الموت الوصول

سليمان المانع