فوق هام السحب ( الشعر الشعبي) على متن القوافي

‏لـو كان كلمة أحبك تختصر دربك
رددتـها بالمساء والـصبـح لعـيونـك

بس الحقيقـة غـلاك أكبر مـن أحبك
وأكبر من الشوق بين ضلوع مجنونك

....

والله إن قلبي على جيتك فرح وشفوق
وابرك من الجيّه ان جات عند حلولها

ملّ قلبٍ عن هوى الغيد ما والله يتوق
لين عيّن باشة الغيد وادمن زولها

....

أنا بدوي عشت الفخر بالبداوه
واللي سلبني فالهوى حب بدويه

أشب نار الطيب فعل وسطاوه
ماعشت عمري في رجى مدة عطيه

...

‏غلاك في قلبي يباري الشرايين
وينوب في بعض المواجيب عنها

أثر الغلا ياناس مثل السلاطين
إليا نزل في قوم يحكم وطنها

....

‏ياقلب لاشفت الزمان أستفزك
أصبر ولا تزعل ترى الوقت دوار

خلك عزيز وعز من هو يعزك
ولا تخاوي كل خاين وغدار

....

ياصاحبي خل السوالف على جنب
بعض السوالف مالها أي داعي

يبقى الكلام اللي من القلب للقلب
لاصار من يلقيه فاهم وواعي


....

‏كل البشر تخطي وترجع وتخطي
‏واللّه يحب العبد لاصار توّاب

‏بس البلا لاصرت تخطي وتبطي
‏ماتدري إن الموت مايطرق الباب

....

ياكثر ماتطري على البال واطريك
‏في ضيقت الايام لاضاق صدري

‏واللي يخليني اليا ضقت اناديك
‏اني معك عارف غلاتي وقدري

‏وانك بوقت الضيق مارخصت غاليك
‏ماهي خساره معك لاراح عمري

....

اكتب لعيونك عسى مايحسون
‏عذال حبك وانت عارف مكانك

‏اكتب عشانك والمخاليق يقرون
‏حتى مساء الخير كله عشانك


....

‏ياطير وسّع خاطرك فوق الاشجار
واصدح بزينات اللحون الجميله

لو بالخواطر ضيق واحزان واسرار
الصبر غايات النفوس النبيله

....