فوق هام السحب ( الشعر الشعبي) على متن القوافي

‏يا اللي تناسيت الغلا مانسيناك
تصبح وتمسي وانت بالقلب ساكن

حتى ولو غبت ولا عاد شفناك
نبكي على الذكرى ونبكي الأماكن

....

‏ماني وكيل ادم على كل من خاب
من طاب طاب ومن تردى تردى

اللي يبي يزعل بلا ذنب واسباب
درب السلامه مر وإلا تعدى

....

‏ماهمني من قال واللي يقولون
‏ مادام ربي عالم بكل نيّه

‏ترى الحكي لو زاد او كان مدفون
‏مايهزني مادامت الروح حيّه

....

‏ترا طبوع الناس انواع واشكال
عمر الاصابع ماتساوت فالايدين

احدن طبوعه تبري القلب والبال
وحدن طبوعه فعلها تبكي العين

....

مع البشر لازم تكون احترافي
ميز وحاول اكتشاف الفوارق

عمر الخيانة ماتجي عند وافي
عكس الأمانة ماتجي عند سارق

....

‏ما انتهى حبك لو انه يبتدي تقصيرك
‏والله ان لك حب لايوصف ولا يتصوّر
‏
‏كيف ادور بالحياه انسان ثاني غيرك
‏وانت كل اللي عليه بذا الحياه ادور

....

لا وادعتك الكرامه وش تبي بالحياه
الناس لولا الكرامه ماعتلى شانها

واللي يحسبن وقتي ضايعً في رجاه
انا حياتي شموخ العز عنوانها

....

‏والله انك فوق ماحولك نزول
‏والله ان نفسي لقربك هاويه
‏
‏زادك الله فوق خلق الله قبول
‏من يقول ان البشر متساويه

....

‏اثر القلوب تذوب من بعد الاحباب
‏وأثر الغياب غياب وصلك وصوتك
‏
‏وأقسى جروح الوقت صوتك اذا غاب
‏وأعظم عذاب القلب لحظة سكوتك

....

‏لو جمعت الشوق في لحظة لقاك
مايساوي شوق هالكون الكبير

من غرامك ضعت في لذة هواك
ودّي أبقى معك لو عمري قصير

....